• Gujarati News
  • Local
  • Gujarat
  • Surat
  • With 341 Murders In 3 Years, Surat Beats Crime Capitals Like Patna, Lucknow, Kanpur, Ghaziabad To Top The State, 5th Among Metros

ભાસ્કર એક્સક્લુઝિવ:3 વર્ષમાં 341 હત્યા સાથે સુરતે પટના, લખનઉ, કાનપુર, ગાઝિયાબાદ જેવાં ક્રાઇમ કેપિટલોને પછાડ્યાં, રાજ્યમાં ટોચ પર, મેટ્રોમાં 5મા સ્થાને

સુરતએક મહિનો પહેલાલેખક: રિતેશ પટેલ
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • 2021ના નેશનલ ક્રાઇમ રેકોર્ડ મુજબ ગુજરાતમાં ડાયમંડ-સિલ્ક સિટી સુરતમાં સૌથી વધારે હત્યા
  • સૌથી વધારે હત્યા દિલ્હીમાં ત્યાર પછી મુંબઈ, ચેન્નાઇ, બેગલુરુમાં
  • અંગત અદાવતને કારણે દેશમાં દિલ્હીની 87 બાદ સુરતમાં સોથી વધારે 73 હત્યા, મુંબઈમાં 24

યુપી-બિહારના મેટ્રોપોલિટન શહેરોમાં હત્યાના બનાવ દિવસે દિવસે ઘટી રહ્યા છે તો મિની ભારત ગણાતા ડાયમંડ સિટી સુરતમાં વધી રહ્યા છે. સુરત જાણે યુપી-બિહારને ટપી ગયું છે. NCR (નેશનલ ક્રાઇમ રેકોર્ડ)ના 3 વર્ષના ડેટાની વાત કરીએ તો દેશના 19 મેટ્રોપોલિટન શહેરોમાં હત્યાના બનાવોમાં સુરત 5મા ક્રમે છે.

દેશમાં સૌથી વધુ હત્યા દિલ્હી, મુંબઈ, ચેન્નાઇ, બેગલુરુ અને સુરતમાં થાય છે. ગુજરાતમાં 3 વર્ષમાં સૌથી વધારે હત્યા સુરતમાં થઈ છે. મેટ્રોપોલિટન શહેરોમાં 2021માં જે હત્યાઓ થઈ તેમાં અંગત અદાવતમાં દિલ્હી પછી સૌથી વધારે સુરતમાં છે. 2021માં સુરતમાં 125 હત્યા પૈકી 102 પુરુષ અને 23 મહિલા છે. 18 વર્ષથી 45 વર્ષના 88 યુવક-15 યુવતીની સૌથી વધુ હત્યા થઈ છે.

3 વર્ષમાં 19 મેટ્રોમાં નોંધાયેલી હત્યામાં સુરત આ રીતે પાંચમુ

શહેર201920202021
દિલ્હી520476472
બેગલુરૂ210191162
ચેન્નાઈ177160164
મુંબઈ170149164
સુરત100116125

2021માં 19 મેટ્રોપોલિટન પૈકી સૌથી વધુ હત્યાવાળા ટોપ-10

ક્રમસીટીરાજ્યહત્યા
1દિલ્હીદિલ્હી472
2મુંબઈમહારાષ્ટ્ર164
3ચેન્નાઈતમિલનાડુ164
4બેગલુરૂકર્ણાટક162
5સુરતગુજરાત125
7લખનઉયુપી104
8કાનપુરયુપી48
9ગાઝિયાબાદ યુપી27
10પટણાબિહાર76

​​​​​​​ચાર્જશીટ : 19 મેટ્રોપોલિટન શહેરોમાં ગુનેગારોને પકડી પાડીને કોર્ટમાં ચાર્જશીટ રજૂ કરી દેવામાં સુરત દેશમાં મોખરે

​​​​​​​દેશના 19 મેટ્રોપોલિટન શહેરમાં ડાયમંડ સીટી સુરતમાં પોલીસ ગુનેગારોને પકડી પાડી કોર્ટમાં ચાર્જશીટ કરવામાં મોખરે છે. એનસીઆરના રિપોર્ટ પ્રમાણે દેશના 19 મેટ્રોપોલિટન શહેરમાં સુરત શહેરમાં વર્ષ 2021માં નોંધાયેલા 32097 ગુનાઓમાંથી 96.5 ટકા ગુનાઓની કોર્ટમાં ચાર્જશીટ કરી નાખી હતી.

નશીલા પદાર્થો સંબંધિત કડક કાર્યવાહી મામલે સુરત ટોચ પર
19 મેટ્રોપોલિટનમાં સુરતમાં નશીલા પદાર્થોમાં સોથી કડક કાર્યવાહી થઈ છે. જેમાં ડ્રગ્સ, દારૂ અને નાર્કોટિસ્કના 28474 કેસ છે. જ્યારે બીજા ક્રમે અમદાવાદમાં 16314 કેસ થયા છે.

બળાત્કાર સુરતમાં સૌથી ઓછા
2021માં સુરતમાં 52 બળાત્કાર થયા છે. દિલ્હીમાં 1232, જયપુર-503, મુંબઈ-366, ઈન્દોર-165, બેગલુરૂ-117, હૈદરાબાદ-116, નાગપુર-115, લખનઉ-97, પુના-96, અમદાવાદ-83, કોચીમાં 73 છે.

અન્ય સમાચારો પણ છે...