ડિસ્ચાર્જ બાદ સન્માન:સુરતમાં ભાજપના કાર્યકરોના હાથે ઈજા પામ્યા બાદ સારવાર લઈ પોતાના વિસ્તારમાં આવેલા AAP કાર્યકરોનું સ્વાગત

સુરત25 દિવસ પહેલા
  • કૉપી લિંક
સારવાર લઈ આવેલા બન્ને કાર્યકરોને ખભે બેસાડીને જુલુસ સ્વરૂપે સ્વાગત કરાયું હતું. - Divya Bhaskar
સારવાર લઈ આવેલા બન્ને કાર્યકરોને ખભે બેસાડીને જુલુસ સ્વરૂપે સ્વાગત કરાયું હતું.
  • હોસ્પિટલમાંથી ડિસ્ચાર્જ થયેલા આપના કાર્યકરોનું ફૂલહારથી સ્વાગત કરાયું

સુરતમાં ભાજપના કાર્યાલય પર વિરોધ પ્રદર્શન માટે ગયેલા આપના કાર્યકરો અને ભાજપી કાર્યકરો વચ્ચે ઘર્ષણ સર્જાયું હતું. આ ઘર્ષણમાં આપના કાર્યકરોને નાની મોટી ઈજાઓ પહોંચી હતી. જેથી સારવાર માટે હોસ્પિટલમાં ખસેડવામાં આવ્યાં હતાં. છૂટા હાથની મારમારીમાં ઈજાગ્રસ્ત થયેલા કાર્યકરોને આજે સારવાર બાદ રજા આપવામાં આવી હતી. જેથી ડિસ્ચાર્જ બાદ પોતાના વિસ્તારમાં પહોંચેલા કાર્યકરોનું ફૂલહારથી સ્વાગત કરવામાં આવ્યું હતું. તથા ખભે બેસાડવામાં આવ્યાં હતાં.

હાર પહેરાવીને બન્ને કાર્યકરોના સ્વાગત લોકોએ કર્યા હતાં.
હાર પહેરાવીને બન્ને કાર્યકરોના સ્વાગત લોકોએ કર્યા હતાં.

તબિયત સુધરતા રજા અપાઈ
આ ઘર્ષણમાં આપના કતારગામ વિધાનસભા પ્રભારી દિનેશ જિકાદરા તેમજ આપ યુવા વિંગ પ્રમુખ પંકજ આંબલિયા ઈજાગ્રસ્ત થયા હતા.જેઓને સારવાર માટે સિવિલ હોસ્પિટલ ખસેડવામાં આવ્યા હતા. તેમને માર મારવાનો વીડિયો પણ ખૂબ વાઈરલ થયો હતો. આજ રોજ બંન્નેની તબિયત સુધારા પર હોવાથી હોસ્પિટલથી રજા મળતા કતારગામ વિધાન સભા વિસ્તારના આપ કાર્યકરોએ ખભે બેસાડી રેલી કાઢી ફૂલહાર પહેરાવી સ્વાગત કર્યું હતું.

બન્ને કાર્યકરોનો ઉત્સાહ વધારવામાં આવ્યો હતો.
બન્ને કાર્યકરોનો ઉત્સાહ વધારવામાં આવ્યો હતો.

કાર્યકરોએ હિંમતથી મુકાબલો કર્યો
આપના દક્ષિણ ગુજરાતના પ્રભારી રામ ધડૂકે જણાવ્યું હતું કે, ભાજપના ગુંડાઓ દ્વારા પોલીસની હાજરીમાં અમારા બન્ને કાંતિકારી યુવાનો પર હુમલો કરવામાં આવ્યો હતો.અમારા બન્ને ક્રાંતિકારી યુવાનો ભાજપના ગુંડાઓના હુમલા સામે મુકાબલો કર્યો છે. હોસ્પિટલથી ડિસ્ચાર્જ થઈ ઘરે પરત ફર્યા છે, ત્યારે કતારગામ વિસ્તારમાં તેમને ઠેર ઠેર લોકો આવકારી રહ્યા છે.