આપણા નેતાજીઓની આર્થિક સદ્ધરતા:ભાજપના 2 કરોડપતિ ઉમેદવારોની સંપત્તિ 5 વર્ષમાં 3 ગણી, 1ની ડબલ

વિધાનસભાની ચૂંટણીમાં ભાજપે ઉમેદવારીની જાહેરાત કરી છે. સુરતમાં 9 જેટલા સિટીંગ ધારાસભ્યો રિપીટ કરવામાં આવ્યા છે. જે પૈકીના પાંચ સિટીંગ સભ્યોએ પોતાની ઉમેદવારી નોંધાવી છે. ઉમેદવારોએ ઉમેદવારી સાથે રજુ કરેલી એફિડેવિટમાં પોતાની આવક રજુ કરી છે, જેમાં કતારગામના ઉમેદવાર અને પૂર્વ મંત્રી વિનુ મોરડીયાની મિલકતમાં 1.09 કરોડનો વધારો થયો છે. જ્યારે આપમાથી ઉમેદવારી નોંધાવનાર પ્રકાશ પટેલ ૧૩ કરોડના આસામી છે.

આપના ઉમેદવાર પ્રકાશ પટેલ પાસે 13 કરોડની સંપતિ
શનિવારે ભાજપ, કોંગ્રેસ અને આપના ઉમેદવારોએ ઉમેદવારી નોધાવી હતી. જેમાં અત્યાર સુધીમાં આપના ઉમેદવાર પ્રકાશ પટેલ સૌથી વધુ 13.21 કરોડની સંપતિ ધરાવે છે. પ્રકાશ કોન્ટ્રાક્ટરે ઉમેદવારી સાથે કરેલી એફિડેવીટમાં પોતાની સંપતિ બનાવી હતી. જેમાં હાથ પર રૂ.૬૮,૭૫૬ રોકડ બતાવી છે. જ્યારે ત્રણ બેંકમાં રૂ.૬,૦૬,૧૪૦ છે. જ્યારે તેમની પાસે રૂ.૩.૬૭ લાખના સોના ધરેણા છે. જોકે તેમની પાસે મોટા પ્રમાણમાં જમીન છે. તેમની પાસે સુરતના ખજોદ, નવસારીના બારોલીયા, ખેતીની જમીન છે. આ ઉપરાંત સહિયારી જમીન પણ મિલકત છે જેની અંદાજીત બજાર કિંમત રૂ.૧૨,૨૮,૨૧,૦૦૦ ગણવામાં આવી છે.આ પરાંત મજુરા અને ચોર્યાસી તાલુકામાં તેમના મકાન આવેલા છે. જેની વર્તમાન કિંમત ગણવામાં આવે તો રૂ.૧૨,૯૩,૨૧,૦૦૦ ગણવામાં આવે છે. એટલે ઉમેદવાર પ્રકાશ કોન્ટ્રાક્ટરની કુલ મિલકત ગણવામાં આવે તો રૂ.૧૩.૨૧ કરોડ જેટલી એફીડેવીટ માં દર્શાવી છે.

આ છે આપણા નેતાજીઓની આર્થિક સદ્ધરતા

​​​​​​​આ કરોડપતિ ઉમેદવારો પહેલીવાર વિધાનસભા ચૂંટણીના મેદાનમાં ઉતર્યા
​​​​​​​

​​​​​​​

​​​​​​​

​​​​​​​

આપના ઉમેદવારો સામે ગુના નોંધાયા છે
જિલ્લાની બેઠક પર આપના 6 ઉમેદવારમાંથી 4 સામે પોલીસ ફરિયાદ નોંધાઈ છે. પ્રદેશ પ્રમુખ ગોપાલ ઇટાલીયા સામે 17 કેસ ચાલી રહ્યા છે. કરંજના ઉમેદવાર મનોજ સોરઠીયા સામે રાયોટીંગનો ગુનો છે. જ્યારે કામરેજના ઉમેદવાર રામ ધડુક સામે 4 ગુના નોંધાયા છે તો કોંગ્રેસના ઉમેદવાર નિલેશ કુંભાણી સામે 4 ગુના નોંધાયા છે.

સંગીતા પાટીલે જ્વેલરી અને વાહન વસાવ્યા
​​​​​​​લિબાયતના બેઠકના ઉમેદવાર અને પૂર્વ ધારાસભ્ય સંગીતા પાટીલની મિલકત માં છેલ્લા પાચ વર્ષમાં આવકમાં ૫૭ લાખનો વધારો થયો છે. સમાજ સેવા કરીને આ આવકમાં વધારો થયો હોવાનું તેમણે એફિડેવીટમાં જણાવ્યું છે. જેમાં તેમણે વધુ રૂપિયા ૨ લાખથી વધુના ઘરેણા ખરીદ્યા છે. જ્યારે તેમણે એક વાહન પણ વસાવ્યું છે.

અરવિંદ રાણા પાસે 77 લાખની FD, 17 બેંકખાતા
​​​​​​​સુરત પૂર્વની બેઠક પર ઉમેદવારી નોંધાવનાર સિટીંગ ધારાસભ્ય અરવિંદ રાણાએ ચૂંટણી પંચ સમક્ષ કરેલી એફિડેવીટમાં જણાવ્યા મુજબ તેમની પાસે અલગ અલગ બેંકમાં ૨૮૧ જેટલી ફિક્સ ડિપોઝીટ છે. જેમાં ૭૭ લાખ જેટલી રકમ છે. જ્યારે ૧૬ બેંકોમાં એકાઉન્ટ ધરાવે છે. તેમજ ૩૦ જેટલી કંપનીના શેરમાં રોકાણ કર્યું છે.