બર્ડફ્લુ:1 દિવસમાં 8 હજાર મરઘાંના બચ્ચાને રસીકરણ

મહારાષ્ટ્ર બાદ દક્ષિણ ગુજરાતમાં પણ બર્ડફ્લૂએ દસ્તક દીધી છે ત્યારે પોલ્ટ્રીફાર્મમાં મરઘીના બચ્ચાઓને વેક્સિનેશન આપવાનું શરૂ કરાયું છે. નવાપુર બાદ ગુજરાત બોર્ડર પર ઉચ્છલમાં જે કેસ નોંધાયા છે તે બોઈલર મરઘીઓમાં જોવા મળી રહ્યા છે. દેશી મરઘીમાં આ રોગ દેખાયો નથી. મરઘીના બચ્ચાને એક આંખમાં એક ડ્રોપ આપવામાં આવે છે જેનાથી ભવિષ્યમાં તેને બર્ડફ્લૂ અથવા રાણીખેત રોગથી બચાવી શકાય. વેક્સિનેશનમાં એક બચ્ચા પાછળ રૂ.3 નો ખર્ચ કરાશે. દ. ગુ. માં આવેલા દેશી મરઘાના તમામ પોલ્ટ્રીફાર્મમાં વેક્સિનેશન કરાઈ રહ્યું છે.

ચેપ અટકવવા રસી મુકાઈ
સુરતના રહીશ અને અનાવલમાં માઉલી પોલ્ટ્રી ફાર્મના માલિક રજનીકાંત શિરભાટે કહ્યું કે, બર્ડફ્લૂ દેશી મરઘીમાં નહીં પણ બોઈલરમાં જોવા મળે છે. ચેપ ન લાગે તે માટે બચ્ચાને રસી અપાઈ રહી છે.