ક્રાઈમ:સુરતના ઉધના લક્ષ્મીનારાયણ ઈન્ડસ્ટ્રીઝમાં અજાણ્યા યુવકની હત્યા, બાવળની ઝાડીમાંથી લાશ મળી

શહેરના ઉધના બી.આર.સી લક્ષ્મીનારાયણ ઈન્ડસ્ટ્રીઝ પ્લોટ નં-એ-73થી 80ના ખુલ્લા પ્લોટમાં આવેલ બાવળની ઝાડીમાંથી અજાણ્યાની લાશ મળી આવી હતી. અજાણ્યાની ગળું દબાવી હત્યા કરાઈ હોવાનું સામે આવ્યું છે. જેથી પોલીસે અજાણ્યા સામે હત્યાનો ગુનો દાખલ કરી આગળ તપાસ હાથ ધરી છે.

30થી 35 વર્ષના અજાણ્યાની ગળું દબાવી હત્યા
ઉધના પોલીસ સુત્રોના જણાવ્યા મુજબ બી.આર.સી લક્ષ્મીનારાયણ ઈન્ડસ્ટ્રીઝ પ્લોટ નં-એ-73થી 80ના ખુલ્લા પ્લોટમાં બાવળની ઝાડીમાંથી આશરે 30થી 35 વર્ષના અજાણ્યાની ગળું દબાવી હત્યા કરાયેલી લાશ મળી આવી હતી. બનાવ અંગે પોલીસને જાણ થતા પીઆઈ એમ.વી.પટેલ સ્ટાફના માણસો સાથે સ્થળ પર પહંચી ગયા હતા અને અજાણ્યાની લાશને પીએમ માટે હોસ્પિટલમાં મોકલી આપી હતી. પોલીસે હત્યાનો ગુનો દાખલ કરી તપાસ હાથ ધરી છે.