ક્રાઇમ:પારિવારીક ઝઘડામાં કાકાએ 3 વર્ષની ભત્રીજીનું અપહરણ કર્યું

લિંબાયતમાં પારિવારિક ઝઘડામાં કાકાએ સાડા ત્રણ વર્ષની ભત્રીજીનું અપહરણ કરતા ફરિયાદ નોંધાઈ છે.લિંબાયતમાં બુદ્ધ સોસાયટીમાં રહેતી નઝરાનાના લગ્ન રાજસ્થાનના સવાઇ માધોપુરના ફિરોઝ બબ્બુ તેલી સાથે થયા હતા. સંતાનમાં સાડા ત્રણ વર્ષની દીકરી આયશા અને 2 વર્ષનો દીકરો છે. નઝરાના અને ફિરોઝ વચ્ચે વારંવાર ઝઘડા થતા હોવાથી ઓગસ્ટ 2020માં નઝરાના સંતાનો સાથે લિંબાયતમાં ભાઈના ઘરે આવી હતી.

10 તારીખે નઝરાનાનો દિયર શાહરૂખ ભાભી નઝરાનાને લેવા આવ્યો હતો. તેણે ફોન પર નઝરાનાની તેના ભાઈ સાથે વાત કરાવી હતી. ત્યારે ફોન પર નઝરાના અને તેના પતિ વચ્ચે ઝગડો થતા શાહરૂખ ભત્રીજી આયશાને નાસ્તો લેવા સાથે લઈ ગયા બાદ આવ્યો જ ન હતો. ફોન પણ બંધ હતો. નઝરાનાએ શાહરૂખ વિરુદ્ધ લિંબાયત પોલીસમાં ફરિયાદ નોંધાવી છે.