આત્મહત્યા:કતારગામમાં ઘરકામ ન આવડતાં પરિણીતાએ ઝેરી દવા ગટગટાવી

એક વર્ષ પહેલાં જ દામપત્ય જીવનમાં પગ માંડનાર પરણિતાએ ઘરકામ આવડતું ન હોવાથી ઝેરી દવા પી જીવન ટુંકાવી લીધું હતું. પરણિતાએ સ્યુસાઈડ નોટ પણ લખી હતી. જેમાં તેણે ઘરકામ આવડતું ન હોવાનું કહી આ પગલું ભરી રહી હોવાનો ઉલ્લેખ કર્યો હતો.

કતારગામના ચિરાગ મહેતાના એક વર્ષ અગાઉ જ શ્વેતાબેન(20) સાથે લગ્ન થયા હતા. સોમવારે રાત્રે શ્વેતાબેને અનાજમાં નાંખવાનો પાવડર પી આપઘાતનો પ્રયાસ કર્યો હતો. ખાનગી હોસ્પિટલમાં સારવાર દરમિયાન મંગળવારે તેમનું મોત નિપજ્યું હતું. શ્વેતાબેને સ્યુસાઈડ નોટમાં તેમના આપઘાત માટે તેમના સાસુ સસરા કે માતા-પિતા કોઈ જવાબદાર ન હોવાનો અને પોતાને ઘરકામ આવડતું ન હોવાથી હતાશ થઈ પગલું ભર્યાનો ઉલ્લેખ કર્યો હતો.