શિક્ષણ:UGC: UG-PGમાં શરૂ થશે નવા 124 ઓનલાઈન કોર્સ

યુનિવર્સિટી ગ્રાન્ટ કમિશન(યુજીસી)એ ગ્રેજ્યુએશન અને પોસ્ટ ગ્રેજ્યુએશનના વિદ્યાર્થીઓ માટે 124 ઓપન ઓનલાઈન કોર્સ શરૂ કરવા જઈ રહી છે. આયોગના નોટિફિકેશન પ્રમાણે કંસોર્ટિયમ ફોર એજ્યુકેશનલ કોમ્યુનિકેશન જાન્યુઆરી સેમેસ્ટર માટે swayam.gov.in પર 78 યુજી અને 46 પીજી નોન એન્જિનીયરિંગ કોર્સની શરૂઆત કરશે. આ કોર્સની ખાસ વાત એ છે કે કોઈ પણ યુનિવર્સિટી કે કોલેજનો કોઈ પણ વિદ્યાર્થી આ કોર્સનો લાભ લઈ શકે છે. આ કોર્સ માટેના ક્લાસ અને પરીક્ષાની તમામ વિગતો વેબસાઈટ પર જાહેર કરાઈ છે.