સ્પેશ્યલ ટ્રેન 28 જૂન સુધી દોડાવાશે:હોળી પૂરી થઈ ત્યારે ઉધના-હિસાર સ્પેશ્યલ ટ્રેન દોડાવાશે

હોળીને લઇને અત્યાર સુધીમાં મોટાભાગનું પબ્લિક વતન પહોંચી ગયું છે ત્યારે હવે રેલવે ઉધના-હિસાર વચ્ચે સ્પેશ્યલ ટ્રેન દોડાવશે. આ ટ્રેનમાં 700થી વધુ સીટ ખાલી છે. પશ્ચિમ રેલ્વેએ ઉધના યાર્ડ ઈન્ટરલોકીંગના કામ માટે 3થી 6 માર્ચ અચાનક મેગા બ્લોક લઇને લોકોનો તહેવાર બગાડ્યો હતો. જેમાં 60 હજાર લોકોની મુસાફરી રદ થઈ છે. હાલમાં જે 7-8 ટ્રેનોમાં હજારો લોકો ઉમટી રહ્યા છે.

હવે જ્યારે તહેવાર માટે 95 ટકા લોકો ચાલ્યા ગયા છે ત્યારે ધુળેટીના દિવસે 8 માર્ચથી ઉધનાથી હિસાર વચ્ચે રતલામ, કોટા-સવાઈ માધોપુર, દાદરી વચ્ચે ઉધના-હિસાર હોલી સ્પેશિયલ ટ્રેન શરૂ કરાશે. તહેવાર પહેલા આ રૂટની ટ્રેનો માટે સૌથી વધુ માંગ હતી.

ઉધના-હિસાર સુપરફાસ્ટ દર બુધવારે 1.10 કલાકે ઉપડી તે જ દિવસે 22.25 કલાકે હિસાર પહોંચશે. જે 28 જૂન સુધી ચાલશે. હિસાર-ઉધના દર ગુરુવારે 00.15 કલાકે ઉપડી બીજા દિવસે 00.05 કલાકે ઉધના પહોંચશે. આ ટ્રેન 9 માર્ચથી 29 ચાલશે. સ્થિતિ એવી છે કે બુકિંગ શરૂ થયાને ચાર દિવસ થઈ ગયા છે પરંતુ હજુ પણ 90 ટકા સ્લીપર સીટો ખાલી હોવાની માહિતી મળી રહી છે.