લૂંટારૂનો હુમલો:પરવટ પાટિયામાં તમાકુ વેપારી પર બે લૂંટારૂનો હુમલો, વેપારીએ બુમાબુમ કરતાં ભાગ્યા

ડુંભાલ ફાયર સ્ટેશન સામે વાટીકા ટાઉનશિપમાં રહેતા જગદીશચંદ્ર ગીસુલાલ નૌલખા તમાકુની બનાવટનો વેપાર કરે છે. પરવટ પાટિયા પર ચોર્યાસી ડેરી સામે ભીખુ ટોબેકોના નામથી દુકાન છે. સોમવારે સાંજે બે જણા દુકાન પર ગ્રાહક બનીને આવ્યા હતા. તેઓએ અલગ-અલગ સિગારેટ અને ગુટખા ખરીદવાનું કહ્યું.

જગદીશચંદ્ર અંદર માલ લેવા ગયા ત્યારે બંને જણા દુકાનમાં ઘુસીને જગદીશચંદ્ર પર ચપ્પુથી હુમલો કર્યો હતો. એક જણાએ જગદીશચંદ્રને પકડી રાખ્યો હતો. બીજાએ ડ્રોઅરના ખાના ખોલી ફંફોસવા લાગ્યા હતા. જગદીશચંદ્રએ બુમાબુમ કરતા બંને લૂંટારૂઓ નાસી ગયા હતા. જગદીશચંદ્રે સ્મીમેરમાં સારવાર લીધી હતી.