કોર્ટે દ્વારા 3 દિવસના રિમાન્ડ મંજૂર:લાંચ કેસમાં ASI મહાદેવ સહિત બે આરોપી ત્રણ દિવસના રિમાન્ડ પર

કાચા ઓઇલનો વેપાર કરનારા પાસે 4 લાખ માંગનારા બે આરોપી પોલીસકર્મી અને લાંચમાં પોતાના રૂ.50 હજાર ઉમેરી કુલ 4.50 લાખની લાંચના કેસમાં સંડોવાયેલાં 3 આરોપી પૈકી બેને આજે શનિવારે કોર્ટમાં રજૂ કરી સાત દિવસના રિમાન્ડની માંગણી કરી હતી. જોકે, સરકાર પક્ષે એપીપી રાજેશ ડોબરિયાની દલીલો બાદ કોર્ટે 3 દિવસના રિમાન્ડ મંજૂર કર્યા હતા.

સરકાર પક્ષે દલીલ કરવામાં આવી હતી કે, આરોપી એએસઆઇ મહાદેવ ચાલાક હોય તપાસમાં સહકાર આપતો નથી. ફરિયાદી કાચા ઓઇલનો ધંધો કરતા હોય તેની ગોડાઉન પર પહોંચીને આરોપી મહાદેવ કિશન, હેડ કોન્સ્ટેબલ દિપેશ મૈસુરિયા અને વચેટિયા વિપુલ બલરે કુલ રૂપિયા 4.50 લાખની લાંચ માંગી હતી. ફરિયાદીએ ગ્રામ્ય એસીબીનો સંપર્ક કર્યો હતો અને એસીબીએ છટકું ગોઠવતા મહાદેવ સેવાઇકર અને વિપુલ બલર ઝડપાઈ ગયા હતા. લાંચ કેસને પગલે સુરત જિલ્લાનું રેંજ ઓપરેશન ગૃપ વિસર્જન કરાયું હતું. ઉપરાંત ઘરે સર્ચ કરાયું હતું.

રિમાન્ડ : લાંચમાં કોનો કોનો હિસ્સો હતો