સુરત મનપાનો ચોંકાવનારો સરવે:0થી 10 વર્ષના બાળકોમાં સંક્રમણનું પ્રમાણ વધ્યું, કન્ટેઇનમેન્ટ એરિયામાં બાળકોને રમવા દેતા પહેલા ચેતજો

સુરત પાલિકાએ બુધવારે વિવિધ સ્ટડી અને સરવેના પરિણામોને આધારે માસ્ક પહેરવા તેમજ સોશિયલ ડિસ્ટન્સિંગનું મહત્વ લોકોને જણાવ્યુ હતું. પાલિકા કમિશનરએ કહ્યુ હતું કે ‘હાલમાં 10 વર્ષ અને તેનાથી ઓછી ઉંમરના બાળકોમાં પણ કોરોના વાયરસના સંક્રમણના કેસ વધ્યા છે. બાળકોમાં વાયરસ પ્રસરવાની શક્યતા વધારે હોઇ છે. જેથી બાળકોએ પણ માસ્ક પહેરવા જોઇએ અને ખાસ કરીને કન્ટેઇનમેન્ટ એરિયામાં બાળકો નહિં રમે તે માટે પાલિકાએ તાકીદ કરી છે.

જો એક વ્યક્તિ સોશિયલ ડિસ્ટન્સિંગનું પાલન નથી કરતો તો તે 5 દિવસમાં 65થી 70 અને 30 દિવસમાં 400થી વધુને સંક્રમિત કરી શકે છે. યુ.કેમાં થયેલા એક અભ્યાસ મુજબ 45 વર્ષથી વધુના એ વેક્સિન લીધી હોય તો તેવાના મૃત્યુદર ઘટી રહ્યા છે અને જે લોકોએ વેક્સિન ન લીધી હોઇ તેવા લોકોમાં મૃત્યુદર વધી રહ્યા છે. આ સ્ટડીથી ફલિત થાય છે કે વેક્સિન લીધી હોઇ તો મૃત્યુદર સાથે હોસ્પિટલમાં દાખલ થનારા દર્દીઓની સંખ્યામાં ઘટાડો થાય છે.’

આ એરિયામાં વધુ સંક્રમણ

પાલિકાના પોર્ટલ પર કેન્દ્રોની યાદી
સુરત પાલિકાની વેબપોર્ટલ પર સરકારી, ખાનગી તમામ વેક્સિનેશન સેન્ટરની યાદી મુકવામાં આવી છે. આ સેન્ટર પર જઇ લોકો વેક્સિન મુકાવી શકશે. તેમજ એક જ સોસાયટીમાં અથવા તો એક સાથે 500થી વધારે લોકો વેક્સિનેશન માટે રજિસ્ટ્રેશન કરાવ્યું હોઇ તો ત્યાં આવીને પાલિકા વેક્સિનેશન કરાવશે એવી પણ વ્યવસ્થા ઉભી કરવામાં આવી છે.