અનોખી સર્જરી:બ્રિટિશ નાગરિકની વાત કરતાં કરતાં કરોડરજ્જુની સર્જરી, ઓપરેશનની સહમતિ આપનાર કોઈ ન હતું

હજીરામાં એક કંપનીનું ઓડિટ કરવા આવેલા બ્રિટિશ નાગરિકનો જીવ ટેકનોલોજીએ બચાવ્યો છે. જેમાં રસપ્રદ બાબત એ હતી કે મેડિકો-લીગલ કેસનો પડકાર હતો અને તે પણ વિદેશી નાગરિક સાથે. સર્જરીની માર્ગદર્શિકા મુજબ દર્દી અને સંબંધીઓની સંમતિ કે સહમતિ વિના સર્જરી કરી ન શકાય. આ કિસ્સામાં લંડનનો રહેવાસી સીન ડોનો અસહ્ય દુખાવો સાથે હોસ્પિટલ પહોંચ્યો અને કહેતો હતો કે મને સ્ટેરોઇડ્સ આપો. ડોક્ટરે કેસ હિસ્ટ્રી વિશે પૂછ્યું તો ખબર પડી કે તેમને કરોડરજ્જુમાં સમસ્યા છે.

આ માટે દર્દી પહેલાથી જ દવાઓ લેતો હતો. આ કિસ્સામાં દર્દી પાસે ડિજિટલ MRI રિપોર્ટ નહોતો. MRI કરાતાં જાણવા મળ્યું કે તેના એલ-4 અને એલ-5 મણકામાં સમસ્યા છે. તબીબો પાસે ઓપરેશન સિવાય કોઈ વિકલ્પ ન હતો, પરંતુ હોસ્પિટલ જોખમ લેવા માંગતી ન હતી. કારણ કે મેડિકો-લીગલ કેસ હોઈ શકે છે.

\દર્દીને કહેવાયું કે અત્યારે દવાઓ આપવામાં આવે છે, પણ તે વિદેશ જાય કે ત્યાંથી કોઈ સંબંધીઓ આવે તો જ સર્જરી થઈ શકશે. નાગરિકનું કહેવું હતું કે, મારા સંબંધીઓ આવી શકે એમ નથી અને પોતે ત્યાં જાય તો પણ સર્જરી માટે 4-5 મહિનાનું વેઇટિંગ હોય છે.

ડોકટરોએ મૂંઝવણો વચ્ચે માનવતાના આધારે જોખમ લીધું અને કહ્યું કે, ઠીક છે અમે તમારી સાથે વાત કરતા કરતા સર્જરી કરીશું. જો તેઓ ઈચ્છે તો સંબંધીઓને પણ LIVE બતાવી શકે છે. ડોકટરોએ આ જોખમ લીધું કારણ કે અગાઉ કરોડરજ્જુની સર્જરીમાં જે પ્રકારનો ચીરો કરવામાં આવતો હતો તે હવે એન્ડોસ્કોપિક સ્પાઇન સર્જરીમાં કરાતો નથી.

અગાઉ સર્જરી જનરલ એનેસ્થેસિયા હેઠળ આપવી પડતી હતી અને હવે આ એડવાન્સ સર્જરીમાં લોકલ એનેસ્થેસિયા જ અપાય છે. અર્થાત, પહેલાં દર્દીને દવાની આખી બોટલ પીવડાવીને શાંત પાડવો પડતો હતો અને હવે તેઓ માત્ર તે જગ્યાને પિન કરીને તેમને નિસ્તેજ કરી દે છે.

સ્પાઇન સર્જન ડૉ. કિરણ જયસ્વાલ કહે છે કે, ‘મેં દર્દીને કહ્યું હું જે પ્રક્રિયા કરું છું તે જોજો અને કોઈ તકલીફ લાગે તો કહેજો. હું સર્જરી બંધ કરી દઈશ.’ પછી ડૉક્ટર દર્દીને કહેતા રહ્યા કે તેઓ શું કરી રહ્યા છે અને દર્દી શું અનુભવે છે તેનો જવાબ આપતો રહ્યો. માત્ર 1 કલાકની આ પ્રક્રિયા પછી બ્રિટિશ નાગરિક મોજાં પહેરીને હોસ્પિટલ છોડી દે છે. જે તબીબે કહ્યું કે, ‘આપણા દેશમાં તમામ પ્રકારના ટોચના સર્જનો છે, પરંતુ થોડાં વર્ષો પહેલાં જો વાઢ-કાપની જરૂરિયાત હોત તો હું આ જોખમ ઉઠાવી શક્યો ન હોત.’