હાલાકી:માંડવી નગરનાં વોર્ડ નંબર 4 માં બેદરકાર તત્વો દ્વારા રોજ સર્જાતુ ગંદકીનું સામ્રાજ્ય

માંડવી નગરનાં વોર્ડ નંબર 4માં મટન માર્કેટ પાસે બેદરકાર તત્વો દ્વારા ગંદકીનું સામ્રાજ્ય સ્થાપવામાં આવી રહ્યું હોય તેમ જણાય રહ્યું છે. માંડવી પાલિકાનાં કર્મોચારીઓ દ્વારા નિયમિત રીતે આ જગ્યાની સફાઇ કરાતી જ હોય છે. તેમજ ડોર ટુ ડોર કચરો લેવા પાલિકાનો ટેમ્પો ફરે છે. તેમ છતાં અમુક બેદરકાર તત્વો દ્વારા સ્વચ્છતાનાં દુશ્મન હોય તેમ જાહેરમાં જ કચરો ફેંકતા ગંદકીનું સામ્રાજ્ય વધી રહ્યું હોય તેમ જણાય રહ્યું છે.

પાલિકા દ્વારા સ્વચ્છતા બાબાતે સંપૂર્ણ ધ્યાન અપાય રહ્યું છે. પરંતુ બેદરકાર તત્વો દ્વારા ડોલ ભરી ભરીને જાહેરમાં કચરો ફેંકતા પાલિકાની કામગીરી પર કાળો ટીલ્લો લાગી રહ્યો છે. “વિના સહકાર, નહી ઉદ્ધાર” આ સૂત્ર આ સ્થળ પર યોગ્ય બેસતું હોય તેમ જણાય રહ્યું છે. જ્યાં સુધી પ્રજાજનો તંત્રને સહકાર નહી આપશે ત્યાં સુધી સમસ્યાનું સમાધાન ન આવવાનું પણ નજરે ચઢી રહ્યું છે. અને જે વ્યક્તિ ગંદકી ફેલાવતા રહે તેના વિરુદ્ધ પાલિકા કાર્યવાહી કરી દંડ કરે તે ખૂબ જરૂરી બની રહ્યું છે.