ક્રાઇમ:રૂદરપુરામાં મહિલાની હત્યામાં પતિ જ હત્યારો નીકળ્યો

રૂદરપુરા લાપસીવાળાની ચાલમાં મહિલાની હત્યામાં પતિ જ હત્યારો નીકળ્યો છે. અઠવા પોલીસે હત્યારા પતિ દેવેન્દ્ર પ્રજાપતિની ધરપકડ કરી છે. મહિલાના પિતાએ પોલીસ સમક્ષ જણાવ્યું કે વર્ષ 2015માં લગ્ન થયા હતા. દોઢ વર્ષ દીકરીને સારી રીતે રાખી પછી દેવેન્દ્રે ત્રાસ આપવાનું શરૂ કર્યુ હતું. પતિએ દહેજમાં બાઇક અને ઘરેણાં માંગતો હતો.

અગાઉ દંપતી વચ્ચે વતનમાં ઝઘડો પણ થયો હતો. જેમાં મૃતક મહિલાએ યુપીના માધવપુર પોલીસ સ્ટેશનમાં અરજી પણ આપી હતી. પછી બન્ને વચ્ચે સમાધાન થયું હતું. પિતા પોતે એક મહિના પહેલા જાન્યુઆરીમાં દીકરીને સુરત પતિના ઘરે મુકી ગયા હતા. પતિએ નિવેદનમાં એવુ રટણ કર્યુ કે અમારો કોઈ દિવસ ઝઘડો થયો નથી, મૃતકના પિતા આવ્યા પછી હત્યારા પતિનો પાપનો ઘડો ફુટી ગયો હતો. હત્યાના એક દિવસ પહેલા દંપતી વચ્ચે ઝઘડો થયો હતો અને તેમાં પતિએ પત્નીની હત્યા કરી નાખી હતી.