હવામાન:ગરમી વધી, 6 દિવસ પછી તાપમાન 34 ડિગ્રીને પાર થયું

શહેરમાં 6 દિવસ પછી ગરમીનો પારો 34 ડિગ્રીને પાર થયો છે. છેલ્લા એક અઠવાડિયાથી દરિયાઇ ભેજ્યુકત પવનોનું જોર વધુ હોવાથી પારો 32થી 33 ડિગ્રી વચ્ચે જ રહેતો હતો. હવે પવનની ગતિ મંદ પડતાં સોમવારે તાપમાનમાં દોઢ ડિગ્રીનો નોંધપાત્ર વધારો થયો હતો.

હવામાન વિભાગના જણાવ્યાનુસાર સોમવારે શહેરનું મહત્તમ તાપમાન 34.3 ડિગ્રી અને લઘુત્તમ 24.8 ડિગ્રી હતું. સવારે ભેજનું પ્રમાણ 90 ટકા અને સાંજે 58 ટકા હતું. દક્ષિણ પશ્ચિમ દિશાથી 8 કિ.મીની ગતિએ પવનો ફૂંકાઇ રહ્યા છે. છેલ્લા એક અઠવાડિયાથી દરિયાઇ પવનોની પેટર્નથી તાપમાન 32થી 33 ડિગ્રી વચ્ચે રહેતા ગરમીથી શહેરીજનો રાહત અનુભવી રહ્યા હતા.

હવે ઉત્તરીય ગરમ પવનોની ઝડપ વધશે. જેથી આગામી દિવસમાં ગરમીનો પારો વધશે. આ અઠવાડિયામાં 40 ડિગ્રી જેટલી ગરમી પડવાની આગાહી હવામાન વિભાગે વ્યકત કરી છે.