દુર્ઘટના:લસકાણામાં 9 કલાકે આગ કાબુમાં આ‌વી

લસકાણામાં દિવાળીની રાત્રે ફર્નિચરના ગોડાઉનમાં ભભૂકી ઉઠેલી ભીષણ આગ નવ કલાક બાદ બીજા દિવસે મળસ્કે કાબુમાં આવી હતી. લસકાણા ડાયમંડ નગર ખાતે આવેલા જલારામ ફર્નીચરના ગોડાઉનમાં દિવાળીની મોડી સાંજે આગ ભભૂકી ઉઠી હતી. 12થી વધુ ગાડીઓએ 9 કલાક સુધી પાણીનો મારો ચલાવ્યો હતો. ગોડાઉનમાં વચ્ચેના ભાગે વેન્ટીલેશન હોવાથી ફટાકડાના કારણે આગ લાગી હોય શકે.