પ્રેરણા:ફેશન ડિઝાઈનરે 5000 માસ્ક બનાવી લોકોને વિનામૂલ્યે વિતરણ કર્યા

શહેરની ફેશન ડિઝાઈનર જાગૃતિ ઠક્કરે શહેરના પોલીસ જવાનો, સિક્યુરિટી ગાર્ડ, વૃધ્ધો સહિત 5000 લોકોને માસ્કનું વિતરણ કર્યું છે. તેમજ લોકડાઉનના સમયમાં કારીગરને રોજગારી મળી રહે તે માટે તેમણે કારીગરને એક માસ્ક બનાવવા માટે 4 રૂપિયા મજૂરી પણ ચૂકવી છે. કોટનના ડ્રેસના કાપડમાંથી માસ્ક બનાવવા 10,000ની કિંમતના 30 મીટરથી વધુ કાપડનો ઉપયોગ કર્યો હતો. 

ધીરે ધીરે કરીને શહેરના 5000 જેટલા લોકોને માસ્કનું વિતરણ કર્યું હતું

 મેં ઘણી જગ્યા પર જોયું કે સફાઈ કામદારો, સિક્યુરિટી ગાર્ડ માસ્ક વિના ફરતા હતા એટલે તાત્કાલિક 50 માસ્ક બનાવડાવીને તેમને આપ્યા. ધીરે ધીરે કરીને શહેરના 5000 જેટલા લોકોને માસ્કનું વિતરણ કર્યું હતું. એક માસ્ક બનાવવા માટે કારીગરને પણ 4 રૂપિયા મજૂરી ચૂકવી હતી.  આ માસ્ક કોટનમાંથી બનાવેલા છે જેને ધોઈને ફરીથી વાપરી શકાય છે. - જાગૃતિ ઠક્કર