દુર્લભ પટેલ આત્મહત્યા કેસ:દુર્લભ પટેલ સુસાઇડ કેસના ગુનામાં વપરાયેલી કાર હજુ સુધી પણ જપ્ત કરાઈ નથી

દુર્લભ પટેલ આત્મહત્યા કેસમાં આરોપી કોન્સ્ટેબલ અજય બોપાલા જે કારમાં તેમના ઘરે જઈને દબાણ કરતો તે કાર લાંબા સમયથી રાંદેર પોલીસ મથકની બહાર પડી હતી. તે કારને નંબર પ્લેટ નથી તેમજ તે કારને કાળા કાચ છે. તેની માલિકી વિશે પણ માહિતી નથી.જિલ્લા પોલીસ કે ક્રાઈમ બ્રાંચે તે કાર કબજે પણ કરી નથી.

પીસાદની જમીન માટે રાંદેરના તત્કાલિન પીઆઇ બોડાણાા-કોન્સ્ટેબલ અજય બોપાલા પર દુર્લભ પટેલને ત્રાસ આપવાનો આક્ષેપ છે. અજય રાત્રે જ્યારે પણ દુર્લભભાઈના ઘરે જતો ત્યારે તે સફેદ રંગની ક્રેટા કારમાં આવતો. આ કારથી દુર્લભભાઈના દીકરાનો પીછો કરાતો. આ કાર પર નંબર પ્લેટ નથી. તેના પર કાળા રંગની ફિલ્મ છે. આ કાર લાંબા સમયથી રાંદેર પોલીસમથકની બહાર હતી.

આ કાર બાબતે પોલીસે કોઇ કાર્યવાહી કરી નથી. કાર બાબતે દુર્લભભાઈના પુત્ર જયંતે જણાવ્યું કે આ જ કારમાં અજય રાત્રે પણ તેમના ઘરે આવતો હતો. જ્યારે જમીન પર કે ફાર્મ હાઉસમાં અમને બોલવાતા ત્યારે આ કારમાં જ અજય અને બીજા આવતા હતા. પરંતુ તેના પર નંબર પ્લેટ ક્યારેય જોઈ નથી.