અકસ્માત:સુરતથી સાપુતારા ફરવા નીકળેલા 6 રત્નકલાકારોની કારને વઘઈ પાસે કારે ટક્કર મારી, કાર ઝાડ સાથે અથડાતા તમામ ઈજાગ્રસ્ત

સુરતથી સાપુતારા ફરવા નીકળેલા 6 રત્નકલાકારોની કારને કારે ટક્કર મારતા કાર ઝાડ સાથે અથડાઈ હતી. કારમાં સવાર તમામ રત્નકલાકાર ઈજાગ્રસ્ત થયા હતા. જેથી તમામ ઈજાગ્રસ્તનો નવસારી સિવિલ હોસ્પિટલમાં સારવાર અર્થે ખસેડવામાં આવ્યા હતા. ત્યારબાદ સુરત સિવિલ હોસ્પિટલમાં ખસેડવામાં આવ્યા છે.

વેડરોડથી ઈકો કારમાં સાપુતારા જવા નીકળ્યા હતા
હાલ ડાયમંડ ઉદ્યોગમાં દિવાળી વેકેશન છે. ત્યારે વેડરોડ ખાતે રહેતા રત્નકલાકારોએ સાપુતારા ફરવા જવાનો પ્લાન બનાવ્યો હતો. રાત્રે 6 રત્નકલાકારો ઈકો કારમાં સાપુતારા જવા નીકળ્યા હતા. દરમિયાન ડાગના વધઈ પાસે પહોંચતા એક સ્કોર્પિયો કારના ચાલકે ઈકો કારને ટક્કર મારી હતી. જેથી ઈકો કારના ચાલકે સ્ટિયરિંગ પરથી કાબૂ ગુમાવતા ઝાડ સાથે અથડાઈ હતી. કારમાં સવાર 6 રત્નકલાકારોની ઈજા પહોંચી હતી. અકસ્માતના પગલે ઇજાગ્રસ્ત તમામને 108માં નવસારી બાદ સુરત સિવિલ ખસેડાયા હતા. હાલ તમામની હાલત સાધારણ હોવાનું જાણવા મળ્યું છે.

ઇજાગ્રસ્તોની યાદી