આત્મહત્યા:ઉમરામાં 80 વર્ષનાં વૃદ્ધાએ સાતમાં માળેથી પડતું મુક્યું, કારણ અકબંધ

ઉમરા ગામમાં રતન એપાર્ટમેન્ટમાં રહેતા 80 વર્ષિય વૃદ્ધાએ સાતમા માળેથી કુદીને આત્મહત્યા કરી હતી. વૃદ્ધા ડાયાબીટીસથી પીડાતા હતા. વૃદ્ધાએ ક્યા કારણોસર આત્મહત્યા કરી તેનું કારણ હાલ જાણી શકાયું નથી. ઉમરા ગામમાં પીજવાની એસ્ટેટમાં બ્રીજરતન એપાર્ટમેન્ટમાં રહેતા નારાયણ આત્મારામ ઝુનઝુનવાલા કાપડનો વેપાર કરે છે. પરિવારમાં તેમની માતા પુર્ણિમાબેન( 80 વર્ષ) પણ છે.

રવિવારે ત્રણેક વાગે પુર્ણિમાબેને સાતમા માળેથી કુદીને આત્મહત્યા કરી લીધી હતી. સવારે 6 વાગે સિક્યુરીટી ગાર્ડની નજર ગઈ હતી. નારાયણ આત્મરામ ઝુનઝુનવાલાએ પોલીસને જાણ કરી હતી. આત્મહત્યાનું કારણ અકબંધ છે. તપાસ કરનાર એએસઆઈ વિપુલ ગોકુલભાઈએ જણાવ્યું હતું કે પુર્ણિમાબેને ડાયાબિટિસ અને અન્ય બિમારીઓ છે. તેથી કંટાળીને કદાચ આત્મહત્યા કરી હોઈ શકે છે.