તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

મદદ:સુરતી ઉદ્યોગપતિ 7 પ્રાઇવેટ પ્લેનથી 1200 લોકોને દુબઇથી ગુજરાત મોકલશે, પ્રથમ ફ્લાઇટ 175 યાત્રીને લઇને આવી

સુરત3 મહિનો પહેલા
  • કૉપી લિંક
સુરતના હીરા ઉદ્યોગપતિ ભરતભાઇ નારોલ
  • ભરતભાઇ નારોલે દુબઇમાં ફસાયેલા ગુજરાતીઓને વતન મોકલવાની જવાબદારી ઉપાડી

કોરોનાને કારણે છેલ્લા બે મહિનાથી દુબઇ ખાતે ગુજરાતીઓ ફસાયેલા છે. ત્યારે જરૂરિયાતમંદ લોકોને ગુજરાત પહોંચાડવાની જવાબદારી ગુજરાતી સમાજ દુબઇના અગ્રણી અને દુબઇ રહેતા સુરતના હીરા ઉદ્યોગપતિ ભરતભાઇ નારોલે લીધી છે. ગુરૂવારે  સવારે 10 કલાકે 175 યાત્રી સાથે પ્રથમ ફ્લાઇટ અમદાવાદ એરપોર્ટ પર આવી પહોંચી હતી, જ્યારે બીજી ફ્લાઇટ 24મી તારીખે દુબઇથી અમદાવાદ આવશે.

ભરતભાઇએ કુલ 1200 ગુજરાતીઓની યાદી તૈયાર કરી છે અને તમામને ગુજરાત મોકલવાની પરવાનગી દુબઇ કોન્સોલેટ, રાજ્ય સરકાર અને કેન્દ્ર સરકાર પાસેથી માંગી છે. જો કે હાલ મંજૂરી મળી નથી. પરવાનગી મળતા જ કુલ છ ફ્લાઇટ દ્વારા અન્ય ગુજરાતીઓને પણ દુબઇથી રવાના કરવામાં આવશે. જે યાત્રીઓ ટિકિટ ખર્ચી શકતા નથી તેમનો ખર્ચ ભરતભાઇ જાતે જ ઉપાડે છે.  

‘વંદે ભારત’ ફ્લાઇટ શરૂ ન થતાં મેં મદદ કરવાનું નક્કી કર્યું
‘‘અમે છેલ્લા કેટલાક દિવસોથી કેન્દ્ર સરકાર અને રાજ્ય સરકારને વંદે ભારત અંર્તગત ફ્લાઇટ શરૂ કરવા માટે રજૂઆતો કરતા હતાં. જો કે અમને કોઇ સફળતા મળી નહીં. લોકો અમારી પાસે દુ:ખી થઇને રજૂઆતો કરતા હતાં. જેથી મેં મદદ કરવાનું નક્કી કરી પ્રાઇવેટ પ્લેન ઉડાવવા મંજુરી માંગી, જે મળી જતાં પ્રથમ ફ્લાઇટ રવાના કરી છે. યાત્રીઓ પાસેથી પૈસા માંગ્યા નથી છતાં સામે ચાલીને ટિકિટના પૈસા આપ્યા છે. 4-5 યાત્રીઓ એવા હતાં જેમની પાસે ટિકિટના પૈસા ન હતાં. અહીં ગુજરાતી ભાઇ સમસ્યાઓથી પિડાઇ રહ્યાં છે. ગુજરાતને વંદે ભારતની ફ્લાઇટ મળે તો ગુજરાતીઓની સમસ્યા દૂર થઇ શકે. - ભરતભાઇ નારોલ, ઉદ્યોગપતિ

પ્રથમ ફ્લાઇટમાં 20 ગર્ભવતી મહિલાઓ હતી
દુબઇથી 6.30 કલાકે ઉપડેલી અને અમદાવાદ 10 કલાકે પહોંચેલી સ્પેશિયલ ફ્લાઇટમાં 20 ગર્ભવતી મહિલાઓ, 70 લેબર અને અન્ય 40થી વધુ એવા લોકો હતાં જેમની નોકરી છુટી ગઇ છે. આ સાથે પ્રથમ ફ્લાઇટમાં બિમાર લોકો અને વૃદ્ધોને સ્થાન આપવામાં આવ્યું હતું. 

0

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે ઉન્નતિને લગતાં શુભ સમાચારની પ્રાપ્તિ થશે. ધાર્મિક અને આધ્યાત્મિક કાર્યોમાં પણ થોડો સમય પસાર થશે. કોઇ વિશેષ સમાજ સુધારકનું સાનિધ્ય તમારી અંદર પોઝિટિવ ઊર્જા ઉત્પન્ન કરશે. નેગેટિવઃ- ઘરના...

વધુ વાંચો