ભાસ્કર એનાલિસિસ:માસ પ્રમોશનથી બીજા નંબરે ઉતરેલું સુરત પરીક્ષા આપી ફરી 42 A-1 સાથે રાજ્યમાં પ્રથમ

સુરત16 દિવસ પહેલા
  • કૉપી લિંક
રેખા સ્વામી અને તેના માતા-પિતા - Divya Bhaskar
રેખા સ્વામી અને તેના માતા-પિતા
  • 12 સાયન્સમાં 10 વર્ષથી A-1 ગ્રેડમાં રાજ્યમાં અવ્વલ
  • ગત વર્ષે કોરોનાને કારણે માસ પ્રમોશન અપાતાં 9 વર્ષમાં પહેલીવાર સુરત બીજા સ્થાને રહ્યું હતું, આ વર્ષે વધુ એક સફળતા મળી
  • મોટા ભાગના વિદ્યાર્થીઓ ગરીબ કે મધ્યમ વર્ગના, ઘર તરફથી કોઈ વિશેષ સુવિધા નહીં
  • શહેરના 636 વિદ્યાર્થી A-2 ગ્રેડમાં આવ્યા

શિક્ષણ બોર્ડે ધોરણ-12 વિજ્ઞાન પ્રવાહનું પરિણામ જાહેર કર્યું છે. એમાં હોશિયાર અને મહેનતુ સુરતીઓ ફરી એ-1 ગ્રેડમાં રાજ્યમાં પહેલા નંબરે આવ્યા છે. એટલું જ નહીં, એ-2થી ડી ગ્રેડમાં પણ રાજ્યમાં સુરતીઓ પહેલા નંબરે જ છે.

વૈભવી મકવાણા
વૈભવી મકવાણા

આ વખતે સુરતમાંથી ધોરણ-12 વિજ્ઞાન પ્રવાહની મુખ્ય જાહેર પરીક્ષા અપાવવા માટે 12,157 વિદ્યાર્થીઓએ રજિસ્ટ્રેશન કરાવ્યું હતું અને તેમાંથી 12,145 વિદ્યાર્થીઓએ પરીક્ષા આપી હતી. એમાંથી 2,741 વિદ્યાર્થીઓ નાપાસ થયા છે. જ્યારે 42 વિદ્યાર્થીઓ એ-1 ગ્રેડમાં, 636 વિદ્યાર્થી એ-2 ગ્રેડમાં, 1,468 વિદ્યાર્થીઓ બી-1 ગ્રેડમાં, 1,930 વિદ્યાર્થીઓ બી-2 ગ્રેડમાં, 2,389 વિદ્યાર્થીઓ સી-1 ગ્રેડમાં, 2370 વિદ્યાર્થીઓ સી-2 ગ્રેડમાં અને 577 વિદ્યાર્થીઓ ડી ગ્રેડમાં આવ્યા છે.

જ્યારે 4 વિદ્યાર્થી ઇ-1 ગ્રેડમાં એટલે કે ગ્રેસિંગથી પાસ થયા છે એમ કહેવાશે. તજજ્ઞો કહે છે કે, કોરોના વાયરસની મહામારીને જોતા ઓનલાઇન એજ્યુકેશન વિદ્યાર્થીઓને અપાયું હતું. જેની સીધી જ અસર રિઝલ્ટ પર જોવા મળી છે. અહીં દિવ્ય ભાસ્કરે એ-1 ગ્રેડ લાવનારા વિદ્યાર્થીઓ સાથે વાત કરતાં જણાયું હતું કે, એ-1 ગ્રેડ લાવનારા તમામ વિદ્યાર્થીઓને એમના માતા-પિતા તરફથી કોઇ પણ પ્રકારની સુવિધા મળી નથી. એટલું જ નહીં, એ-1 ગ્રેડ લવાનારા ઘણા ખરા વિદ્યાર્થીઓના પિતા ભરતકામ, દરજીકામ સહિતના છૂટક કામો કરીને ઘરનું ગુજરાન ચલાવી રહ્યા છે. ઉપરાંત વિદ્યાર્થીઓ ગરીબ અને મધ્યમ વર્ગના જ છે.

3 વર્ષમાં A-2થી C-2 ઘટ્યાં

A-1A-2B-1B-2C-1C-2DE-1
20201964817712250307927664572
20215462547362834162387105314411
20224263614481930238923705774

વૈભવી ગુજકેટમાં 120માંથી 120 લાવીને રાજ્યમાં પ્રથમ

આશાદીપ સ્કૂલની મકવાણા વૈભવીના ગુજકેટમાં 120માંથી 120 માર્ક્સ સાથે રાજ્યમાં પ્રથમ હોવાનો સ્કૂલનો દાવો છે. વૈભવીના 90.46% અને 99.44 પર્સન્ટાઇલ તથા એ-2 ગ્રેડ આવ્યો છે. તેણીના પિતા હીરા સાથે સંકળાયેલા છે. વૈભવીએ કહ્યું કે છેલ્લા સમયે સ્કૂલમાં પેપર પ્રેક્ટિસ કરાવાતાં ખૂબ જ ફાયદો થયો છે. તે રોજે રોજ સ્કૂલમાં જે ભણાવે તે ઘરે આવીને રિવિઝન કરતી હતી. આ ઉપરાંત કાશ્વી ભંડારીએ કહ્યું કે માતા પિતા રત્નકલાકાર છે. લોકડાઉનમાં કારખાના બંધ હોવા છતાં મને પપ્પા હંમેશાં કહેતા કે તું માત્ર ભણવા પર ધ્યાન આપ, બાકીની બધી વ્યવસ્થા હું કરી દઈશ અને આખરે સફળ થઈ.

પિતા 5 ચોપડી, માતા નિરક્ષર અને દીકરી રાજ્યમાં ટોચ પર
રાજ્યમાં હિન્દી મીડિયમાં 2 જ વિદ્યાર્થી એ-1 ગ્રેડમાં છે. જેમાંની એક ગોડાદરાની જ્ઞાનજ્યોતની વિદ્યાર્થિની રેખા સ્વામી છે. સ્કૂલે દાવો કર્યો છે કે રેખા રાજ્યમાં પહેલા નંબરે છે. રેખાએ કહ્યું કે, મારા પિતા 5 ચોપડી જ ભણ્યા છે અને ભરતકામ કરે છે. જ્યારે માતા નિરક્ષર છે. ઓફલાઇન એજ્યુકેશન શરૂ થતા ખૂબ જ ફાયદો થયો હતો. સ્કૂલમાં વિકલી ટેસ્ટ સાથે ત્રણથી ચાર વખત તમામ વિષયમાં રિવિઝન કરવાતા જ હું ધોરણ-12 વિજ્ઞાન પ્રવાહમાં 92% સાથે 650માંથી 598 માર્ક્સ લાવી શકી છું.

સ્કૂલ પ્રમાણે A-1 ગ્રેડમાં આશાદીપે બાજી મારી

સ્કૂલA-1
આશાદીપ ગ્રુપ ઓફ સ્કૂલ્સ16
P.P સવાણી સ્કૂલ ઓફ ગ્રુપ9
I.N. ટેકરાવાલા3
કૌશલ વિદ્યાભવન2
તપોવન વિદ્યાલય2
મૌની ઇન્ટરનેશનલ2
ધી રેડિએન્ટ ઇન્ટરનેશનલ1
એલ.પી. સવાણી સ્કૂલ1
માધવબાગ વિદ્યાભવન1
શ્રી ગાયત્રી વિદ્યાલય1
રિવરડેલ એકેડેમિક1
બી.એચ. કલસરીયા વિદ્યાલય1
જ્ઞાનજ્યોત વિદ્યાલય1
જીવનભારતી વિદ્યાલય1

​​​​​​​

કેન્દ્ર મુજબ પરિણામ

  • વરાછામાં સૌથી વધુ 87.73% ​​​​​​​
  • ઉધનામાં સૌથી ઓછું 62.38%
સેન્ટરરજિસ્ટર્ડપરીક્ષાર્થીપાસનાપાસરિઝલ્ટ
વરાછા38073807334046787.73%
રાંદેર15031502123327082.09%
સુરત1119111891220781.57%
નાનપુરા16341633121941574.65%
ઉધના1400139386953162.38%

​​​​​​​કોઈના પિતા દરજી છે તો કોઈ ભાડાના ઘરમાં રહે છે છતાં સફળ

  1. શ્રી વસિષ્ઠ વિદ્યાલયના રૂદ્ર સુથારના ગણિતમાં 100માંથી 100 માર્ક્સ આવ્યા છે. તો રત્નકલાકાર અશોક કોટળીયાનો દીકરો અર્પિત ગુજકેટમાં 120માંથી 109 લાવ્યો છે.
  2. મૌની ઇન્ટરનેશનલના કિશનના પિતા દિનેશ પાનસુરિયા ભંગારનું કામ કરે છે. કિશન 99.97 પર્સન્ટાઇલ સાથે એ-1 ગ્રેડ લાવ્યો છે. તો બોઘરા ઝીલ 95.66% મેરીટ સાથે 99.86 પર્સનટાઇલ અને એ-1 ગ્રેડ લાવ્યો છે. પિતા એબ્રોડરીનું કામ કરે છે.
  3. એલ.પી. સવાણીમાં ભણતા ભાઇ-બહેન ભવ્ય દેસાઇ અને ભાવી દેસાઇ એ-1 અને એ-2 ગ્રેડ લાવ્યા છે. ભવ્ય 99.86 પર્સનટાઇલ જ્યારે ભાવી 99 લાવી છે.
  4. રેડિયન્ટ સ્કૂલની વિદ્યાર્થિની લાડ ખૂશ્બુ 99.93 પર્સન્ટાઇલ સાથે એ-1 ગ્રેડ લાવી છે. જેના પિતાનો પ્રોવિઝન સ્ટોર છે.
  5. તપોવન વિદ્યાલયની ગોહિલ પ્રાચીના બી ગ્રુપમાં 500માંથી 478 માર્ક્સ આવ્યા છે. એના 95.60% સાથે 99.99 પર્સન્ટાઇલ અને એ-1 ગ્રેડ છે. તેના પિતા ગૈરાંગભાઇ દરજી છે અને ભાડાના ઘરમાં રહે છે.
  6. માધવબાગ સાયન્સ સ્કૂલમાં ધોરણ-12 વિજ્ઞાન પ્રવાહમાં અભ્યાસ કરતો સુમીત ગોહિલે 92.20% સાથે એ-1 ગ્રેડ લાવ્યો છે.
  7. કૌશલ વિદ્યાલયનો શિરોયા ક્રિશના પિતા સુરેશભાઇ પાણીના કેરબા ઘરે ઘરે પહોંચાડે છે. જેના બોર્ડની પરીક્ષામાં 99.74 પર્સનટાઇલ સાથે એ-1 ગ્રેડ આવ્યો છે.
  8. હીરાબાગ પી. પી. સવાણીની ધ્રુવી એ-1 ગ્રેડ લાવી છે. તેનો ભાઇ દિવ્યાંગ છે જેને જોઇને ધ્રુવીને ડોક્ટર બનવાની પ્રેરણા મળી હતી.

હવે શું? , નર્મદ યુનિવર્સિટીમાં રજિસ્ટ્રેશન શરૂ કરાયું
નર્મદ યુનિવર્સિટીએ 12 સાયન્સ પછીના કોર્સનું રજિસ્ટ્રેશન શરૂ કરી દીધું છે. હાલમાં વિદ્યાર્થીઓએ ધોરણ-10ની શિક્ષણ બોર્ડની મુખ્ય જાહેર પરીક્ષાના રિઝલ્ટના આધાર પર રજિસ્ટ્રેશન કરવાનું રહેશે.

યુનિવર્સિટીમાં જુદા જુદા કોર્સ પ્રમાણે બેઠક સંખ્યા

પ્રોગ્રામબેઠક
બીએસસી13,450
M.Sc આઇટી300
‌B.Sc નર્સિંગ500
બીસીએ7480
ઈજનેરી8000
એમબીબીએસ950
ફિઝિયોથેરાપી600
હોમિયોપેથિક400
ઓપ્ટોમેટ્રી80
‌B.Sc કોમ્પ્યુ. સાયન્સ625
M.Sc ઇન્ડિગ્રેટેડ બાયોટેક75

​​​​​​

અન્ય સમાચારો પણ છે...