કાર્યવાહી:સુરત પોલીસે પહેલીવાર સાયબર ક્રાઇમના ગુનામાં ચીટરને પાસા હેઠળ જેલ મોકલ્યો

નવા સુધારેલા કાયદા પ્રમાણે સુરત પોલીસે પહેલીવાર સાયબર ક્રાઇમના ગુનામાં એક ઠગની પાસા હેઠળ અટકાયત કરી વડોદરાની મધ્યસ્થ જેલમાં મોકલી આપ્યો છે. શેરબજારમાં રોકાણ કરી સારો ફાયદો થશે એવુ કહીને લોકોની પાસેથી લાખોની રકમ ખંખેરી હતી.

લોકો પાસેથી તે રૂપિયા ઓનલાઇન ટ્રાન્સફર કરાવી લેતો હતો. ચીટરબાજ વિનોદ પ્રતાપચંદ પરમાર(34) (રહે, પરદેશીપુરા, ઈન્દોર, એમપી, મૂળ રહે,રાજસ્થાન)ને પીસીબીએ અટકાયત પાસા હેઠળ વડોદરાની મધ્યસ્થ જેલમાં ધકેલી દીધો છે.