તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Local
  • Gujarat
  • Surat
  • Surat Has The Highest Annual Turnover Of 42,000 Online Sellers In The State At Rs 3,000 Crore, 5 Times More Than Ahmedabad.

સુરતમાં ઓનલાઇન સેલિંગનો ક્રેઝ:રાજ્યમાં સૌથી વધુ 42 હજાર ઓનલાઇન સેલર; વાર્ષિક ટર્ન ઓવર 3 હજાર કરોડ, અમદાવાદ કરતાં 5 ગણું વધુ

સુરતએક મહિનો પહેલાલેખક: જલ્પેશ કાળેમા
  • કૉપી લિંક
માત્ર કોરોનાકાળમાં જ શહેરમાં 5 હજાર ઓનલાઈન સેલરો ઉમેરાઈ ગયા - Divya Bhaskar
માત્ર કોરોનાકાળમાં જ શહેરમાં 5 હજાર ઓનલાઈન સેલરો ઉમેરાઈ ગયા
  • અમદાવાદમાં 7 હજાર, વડોદરામાં 4 હજાર અને રાજકોટમાં માત્ર 2500 ઓનલાઇન સેલર
  • ઓનલાઇન બિઝનેસમાં સુરત દેશમાં ત્રીજા ક્રમે, 1.50 લાખને રોજગારી
  • હોમ-કિચન એપ્લાયન્સીસ, ફૂટવેર, રેડિમેડ ગાર્મેન્ટ, ઈલેક્ટ્રોનિક્સ સહિતની 15 વસ્તુઓનું સૌથી વધુ વેચાણ
  • સેલર્સમાં 22થી 32 વયના યુવકો વધુ જોવા મળ્યા

રાજ્યમાં સૌથી વધારે ઓનલાઈન સેલર સુરતમાં છે. અમદાવાદમાં 7 હજાર, બરોડામાં 4 હજાર, રાજકોટમાં 2500 જ્યારે સુરતમાં 42 હજાર સેલરો છે. સુરતનું વાર્ષિક ટર્નઓવર 3 હજાર કરોડનું છે. સુરતમાંથી ટેક્સટાઈલ, હોમ-કિચન એપલાયન્સીસ, ફૂટવેર, રેડિમેડ ગાર્મેન્ટ, ઈલેક્ટ્રોનિક આઈટમ્સ, સહિતની 15 પ્રકારની વસ્તુઓનું સૌથી વધારે વેચાણ જોવા મળી રહ્યું છે.

શહેરના ઓનલાઈન સેલરો ચાઈના સહિતના દેશોમાંથી વસ્તુઓ ઈમ્પોર્ટ કરીને ઓનલાઈન મારફત દેશના અલગ અલગ શહેરોમાં વેચાણ કરી રહ્યા છે. આ ઓનલાઈન બિઝનેસ દ્વારા શહેરમાં 1.50 લાખ લોકોને રોજગારી પણ મળી રહી છે. ઓનલાઇન સેલિંગમાં મુંબઈમાં 70 હજાર, દિલ્હીમાં 60 હજાર સેલરો બાદ સુરત શહેર દેશમાં ત્રીજા ક્રમે આવે છે. શહેરના એમેઝોન ડિજિટલ કેન્દ્ર પરથી આ વિગતો જાણવા મળી હતી.

રોજગારી છિનવાઈ જતા યુવકો ઓનલાઇન બિઝનેસ તરફ વળ્યા
કોરોના કાળમાં રોજગાર ધંધા બંધ હતાં ત્યારે સુરતમાંથી ઓનલાઈન સેલિંગ તરફ યુવાનો વળ્યા હતાં. ખાસ કરીને 22 વર્ષથી લઈને 32 વર્ષના યુવાનોએ ઓનલાઈન સેલિંગને બિઝનેસ બનાવ્યો હતો. ખાસકરીને રોજગારી છીનવાઈ ગઈ હોય તેવા લોકો હતા. સુરત શહેરમાં છેલ્લા એક વર્ષમાં જ 5 હજાર ઓનલાઈન સેલર ઉમેરાઈ ગયા છે.

એપ્લાયન્સીસ અને ગાર્મેન્ટના સેલરો વધુ
સુરતના એમેઝોન ડિજિટલ કેન્દ્રના ડિરેક્ટર સંદિપ કથિરિયા કહે છે કે, ‘શહેરમાં દિવસે દિવસે ઓનલાઈન સેલરો વધી રહ્યા છે. સુરતમાં સ્કોપ વધારે દેખાઈ રહ્યો છે. ખાસ કરીને ટેક્ષટાઈલ અને હોમ-કિચન એપલાયન્સ સુરતમાંથી વધારે ઓનલાઈન સેલ થઈ રહ્યા છે.’

કપડાંના રિટર્ન ગુડ્ઝ સસ્તામાં વેચીને પણ કમાણી
કોરોનાને કારણે સૌથી વધુ ટેક્સટાઈલના ગુડ્સ રિટર્ન આવી રહ્યા છે. શહેરના 22 વર્ષથી લઈને 32 વર્ષના યંગસ્ટર્સ આ રિટર્ન ગુડ્સમાંથી પણ લાખો રૂપિયાની કમાણી કરી રહ્યા છે. ટેક્સટાઈલનો જે માલ રિટર્ન આવે છે તેને સસ્તા ભાવમાં ખરીદી કરીને ઓનલાઈનમાં વેચાણ કરી રહ્યા છે

અન્ય સમાચારો પણ છે...