કૌભાંડ:સ્ટ્રીટ લાઇટ કૌભાંડ: કા.ઇજનેરને પુન: ફરજ પર લેવા આજે નિર્ણય

લાઇટ એન્ડ એનર્જી એફીસીયન્સી સેલના કાર્યપાલક ઇજનેર માનસંગ નરસંગ ચૌધરી સામે સ્ટ્રીટ લાઇટ કૌભાંડમાં એસીબીમાં એફ.આઇ.આર થઇ હતી. જેથી ધરપકડ કરવામાં આવતા તત્કાલ અસરથી તેમને સસ્પેન્ડ કરી દેવામાં આવ્યા હતા. તેમની સામે ખાતાકીય તપાસ પણ ચાલી રહી હતી. હાલમાં એસીબીના કેસના ચુકાદા અને ખાતાકીય તપાસના આખરી નિર્ણયને આધિન ફરજમાં તેમને પુન:સ્થાપિત કરવા સ્થાયી સમિતિમાં દરખાસ્ત લાવવામાં આવી છે. હવે શાસકો પુન: નિયુકત અંગે શું નિર્ણય લઇ છે તેના પર સૌ કોઇની મીટ મંડાઇ છે.