રક્ષાબંધન સ્પેશિયલ:આ વર્ષે બહેન ભાઈને બાંધશે 5 લાખની રાખડી, સુરતમાં બન્યું ગોલ્ડ-હીરા જડિત ભાઈનું સુરક્ષાકવચ

સુરત2 મહિનો પહેલાલેખક: આશિષ મોદી
  • રાખડી એક બહેનની માગ પર તૈયાર કરવામાં આવી છે
  • ભાઈને મળેલી મોંઘી રાખડી તેની પત્ની ગળામાં પણ પહેરી શકે

ભાઈ-બહેનના પવિત્ર સંબંધને દર્શાવતો તહેવાર એટલે રક્ષાબંધન, આજના શુભ દિવસે બહેન પોતાના ભાઈના કાંડા પર રેશમી દોરો બાંધી એના લાંબા આયુષ્યની પ્રાર્થના કરતી હોય છે અને રક્ષણનું વચન લેતી હોય છે. આ પવિત્ર તહેવાર રક્ષાબંધનને ધ્યાનમાં રાખી દર વર્ષે ભાઈની સુરક્ષાનું કવચ એટલે રાખડીની ડિઝાઇન અને વરાઇટીઓ બદલાતી રહી. આ વર્ષે સુરતના એક જ્વેલર્સે રૂપિયા 5 લાખની કિંમતની હીરા જડિત ગોલ્ડ રાખડી ભાઈનું સુરક્ષાકવચ જ નહીં, પણ ભવિષ્ય માટે એક રોકાણ પણ કહી શકાય છે.

ભવિષ્ય માટે એક સારું રોકાણ પણ કહી શકાય
હાલ ગોલ્ડ હીરા જડિત રાખડી લોકોમાં આકર્ષણનું કેન્દ્ર બનતાં સ્પેશિયલ ઓર્ડર પણ મળી રહ્યા છે. એટલું જ નહીં, પણ રક્ષાબંધનના તહેવાર માટે રૂપિયા 350થી લઈ 5 લાખ સુધીની રાખડીઓ તૈયાર કરવામાં આવી રહી છે. જ્વેલર્સ દીપકભાઈ ચોક્સી કહે છે કે તેમના દ્વારા તૈયાર કરેલી રાખડીઓ રક્ષાબંધન પછી પણ ઘરેણા તરીકે પહેરી શકાય છે અને ભવિષ્ય માટે એક સારું રોકાણ પણ કહી શકાય છે.

ગોલ્ડ હીરા જડિત રાખડી લોકોમાં આકર્ષણનું કેન્દ્ર બનતાં સ્પેશિયલ ઓર્ડર પણ મળી રહ્યા છે.
ગોલ્ડ હીરા જડિત રાખડી લોકોમાં આકર્ષણનું કેન્દ્ર બનતાં સ્પેશિયલ ઓર્ડર પણ મળી રહ્યા છે.

રાખડી એક બહેનની માગ પર તૈયાર કરવામાં આવી
દીપક ભાઈ ચોકસી (જ્વેલર્સ)એ જણાવ્યું હતું કે તહેવારોમાં જ્વેલરીમાં વિવિધ પ્રકારની રાખડીઓ તૈયાર કરવામાં આવતી હોય છે, જેમાં આ વર્ષે (2021) સૌથી મોંઘી અને આકર્ષણનું કેન્દ્ર રૂપિયા 5 લાખની રાખડી રહી છે. જોકે આ રાખડી એક બહેનની માગ પર તૈયાર કરવામાં આવી છે, જેને કદાચ મોંઘી રાખડી કહી શકાય છે.

રાખડી સોનામાં હીરા જડીને બનાવવામાં આવી છે.
રાખડી સોનામાં હીરા જડીને બનાવવામાં આવી છે.

રાખડી પહેરી શકાય એવી ડિઝાઈન બનાવી
રાખડી સોનામાં હીરા જડીને બનાવવામાં આવી છે. રાખડીમાં દોરાને બદલે સોનાની બંગડી અને હીરાનું પેન્ડન્ટ છે. જે રક્ષાબંધન પછી પણ પુરુષો હાથમાં બંગડી અને ગળામાં સોનાની સાંકળમાં હીરાનું લોકેટ પહેરી શકશે અથવા તો ભાઈને મળેલી આ મોંઘી રાખી તેની પત્ની ગળામાં પણ પહેરી શકે એ રીતે આની ડિઝાઇન તૈયાર કરવામાં આવી હોવાનું દીપક ભાઈએ જણાવ્યું છે તેમજ સોના -ચાંદીમાં રોકાણ મુજબ આવી રાખડીઓ પણ બનાવવામાં આવે છે. જોકે કોવિડ સમયગાળાને કારણે આ વર્ષે રક્ષાબંધનનો તહેવાર ફિકો લાગતો હોય એમ કહી શકાય છે.

રાખડીઓ રક્ષાબંધન પછી પણ ઘરેણા તરીકે પહેરી શકાય છે.
રાખડીઓ રક્ષાબંધન પછી પણ ઘરેણા તરીકે પહેરી શકાય છે.

અનોખાં ઘરેણાં ખરીદવાનો ટ્રેન્ડ વર્ષોથી
દીપક ભાઈ ચોક્સી (જ્વેલર્સ)એ ઉમેર્યું હતું કે ગુજરાતનું સુરત શહેર દેશ અને દુનિયામાં ડાયમંડ સિટી તરીકે ઓળખાય છે. વિશ્વભરમાં કોતરવામાં આવનારા 100 હીરામાંથી 95 હીરા આપણા સુરતમાં કોતરવામાં આવે છે, તેથી સુરતના શ્રીમંત પરિવારોમાં અલગ અલગ તહેવારો પર આવા અનોખાં ઘરેણાં ખરીદવાનો ટ્રેન્ડ વર્ષોથી ચાલતો આવ્યો છે, એટલે જ સુરતના જ્વેલર્સ અનન્ય છે. હું તો એમ કહીશ લોકોની માગના આધારે કીમતી સોના-ચાંદીની રાખડી બનાવી તેમના ભવિષ્યના રોકાણમાં મદદરૂપ થતા આવ્યા છે.

રાખડીમાં દોરાને બદલે સોનાની બંગડી અને હીરાનું પેન્ડન્ટ છે.
રાખડીમાં દોરાને બદલે સોનાની બંગડી અને હીરાનું પેન્ડન્ટ છે.