મુસાફરોને રાહત:બાંદ્રા-સુરત સુપરફાસ્ટ સ્પેશિયલ સહિતની 10 ટ્રેનોમાં સેકન્ડ ક્લાસ રિઝર્વ્ડ કોચ 25મીથી સામાન્ય કરી દેવાશે

સુરતએક મહિનો પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • દિવાળી વેકેશનની સંભવિત ભીડને અનુલક્ષીને રેલવેનું આયોજન
  • બાંદ્રા-નિઝામુદ્દીન વાયા સુરત સુપરફાસ્ટ ટ્રેન દોડશે

દિવાળીને ગણતરીના દિવસો બાકી છે ત્યારે રેલવેએ 10 ટ્રેનોમાં અનારક્ષિત યાત્રા થઈ શકે એવું આયોજન કર્યું છે. 25મીથી મુંબઇ સેન્ટ્રલ-અમદાવાદ સુપરફાસ્ટ સ્પેશ્યલ ટ્રેનમાં 7 સેકન્ડ કલાસ કોચ અનારક્ષિત કરી દેવાયા છે. આવી જ રીતે બાંદ્રા ટર્મિનસ -સુરત સુપફાસ્ટ સ્પેશ્યલ ટ્રેનમાં 5 સેકન્ડ કલાસ કોચ અનારક્ષિત કરી દેવામાં આવ્યા છે.

આ ઉપરાંત વલસાડ-અમદાવાદ સ્પેશિયલ ટ્રેનમાં 7 સેકન્ડ કલાસ કોચ, દહાણુ રોડ-વડોદરા સ્પેશિયલ ટ્રેનમાં 7 સેકન્ડ કલાસ કોચ, વલસાડ-વડોદરા સ્પેશિયલ ટ્રેનમાં 5 સેકન્ડ કલાસ કોચ, ભાવનગર ટર્મિનસ -ઓખા સ્પેશિયલ ટ્રેનમાં 7 સેકન્ડ કલાસ, દાહોદ-ભોપાલ સ્પેશિયલ ટ્રેનમાં 7 સેકન્ડ કલાસ, ડો.આંબેડકરનગર-ભોપાલ સ્પેશિયલમાં 7 સેકન્ડ કલાસ, વડોદરા-જામનગર સુપરફાસ્ટ સ્પેશિયલ ટ્રેનમાં 5 સેકન્ડ કલાસ અને અમદાવાદ-સોમનાથ સ્પેશિયલમાં 6 સેકન્ડ કલાસ સીટિંગ કોચ અનારક્ષિત કરવામાં આવ્યા છે.

તેજસ સહિતની 5 ટ્રેનોમાં વધારાના કોચ જોડાશે
સુરત : પ.રેલવે તેજસ એક્સપ્રેસ સહિત 5 ટ્રેનોમાં વધારાના કોચ જોડશે. બાંદ્રા ટર્મિનસ-ભાવનગર સ્પે.માં 6 મહિના માટે એસી ફર્સ્ટ કલાસ તથા બાંદ્રા ટર્મિનસ-વેરાવળ સ્પે.માં ફર્સ્ટ કલાસ કોચ જોડાશે. મુંબઈ-અમદાવાદ તેજસ એક્સપ્રેસમાં એક્ઝિક્યુટિવ એસી ચેર કાર તથા દાદર-બિકાનેર સ્પે અને બાંદ્રા-જોધપુર સ્પે.માં પણ વધારાનો સ્લિપર કોચ જોડાશે.

બાંદ્રા-નિઝામુદ્દીન 20 ટ્રીપ મારશે, 24મીથી બુકિંગ શરૂ
સુરત : રેલવે બાંદ્રા ટર્મિનસ-નિઝામુદ્દીન વિશેષ ભાડા સાથે એસી સુપરફાસ્ટ સ્પેશ્યલ ટ્રેન દોડાવશે. આ ટ્રેન સુરતમાં પણ થોભશે, જે કુલ 20 ટ્રીપ મારશે. આ ટ્રેન બુધવાર અને રવિવારે બાંદ્રા ટર્મિનસથી સાંજે 5.30 વાગ્યે ઉપડી બીજા દિવસે સવારે 10.15 વાગ્યે નિઝામુદ્દીન પહોંચશે. આ ટ્રેન 28 ઓક્ટોબરથી 29 નવેમ્બર સુધી દોડાવાશે. ટ્રેનનું બુકિંગ 24મીથી ઓપન થશે.

અન્ય સમાચારો પણ છે...