કાર્યવાહી:સારોલીના ટ્રાન્સપોર્ટર અને તેના મેનેજરે રૂપિયા 28.12 લાખનો યાર્ન સગેવગે કરતા ગુનો દાખલ

ઘોડદોડ રોડ પર રત્નમિલન એપાર્ટમેન્ટમાં રહેતા વિનય લોકપ્રિય અગ્રવાલ યાર્નનો વેપાર કરે છે.તેઓ યાર્ન સારોલીમાં જ્યોતિ કાર્ગોના નામથી ટ્રાન્સપોર્ટેશનું કામ કરતા રાજેશ ગોરના માધ્યમથી વેપારીઓને પહોંચાડતા હતા. 3 જાન્યુઆરીએ સારોલીમાં વિનય અગ્રવાલે રાજેશ ગોરના ટ્રાન્સપોર્ટ મારફત 28.12 લાખનું 1150 કિલો યાર્ન ઓલપાડની બે પાર્ટીને પહોંચાડવા આપ્યું હતું. 10 જાન્યુઆરી સુધી તે માલ પાર્ટીઓને પહોંચ્યો ન હતો. વિનય અગ્રવાલે રાજેશ ગોર અને તેના મેનેજર કરણ ગોસ્વામી વિરુદ્ધ પુણા પોલીસ સ્ટેશનમાં વિશ્વાસઘાતની ફરિયાદ નોંધાવી છે.