કોરોના ઇફેક્ટ:વરાછા બી ઝોનમાં બસમાં સેમ્પલિંગ, 850 ટેસ્ટ કરાયા

શહેરમાં પોઝિટિવ કેસોની સંખ્યા 900 નજીક પહોંચી ગઇ છે ત્યારે વધુમાં વધુ સેમ્પલો લેવામાં આવી રહ્યા છે. હાલમાં લોકોને આરોગ્ય કેન્દ્રો સુધી સેમ્પલ આપવા ન જવું પડે તે માટે સુરત મહાનગરપાલિકા દ્વારા સિટીલિંકની બસમાં જ લેબોરેટરી બનાવી દીધી છે. મ્યુનિ.એ બનાવેલી બે સીટી લિંકની બસમાં મોબાઈલ લેબોરેટરી લોકોના ઘરો સુધી જઈને ટેસ્ટિંગ કરી રહ્યું છે. મ્યુનિ.તંત્રએ બસોમાં અત્યાર સુધીમાં ૮૫૦ ટેસ્ટ માટે સેમ્પલ કલેક્શનની કામગીરી કરી છે. બસમાં  સેમ્પલ આપવા આવતા અન્ય લોકોને ચેપ ન લાગે તે માટે બસને  પાલિકા દ્વારા વારંવાર સેનીટાઈઝ કરવામાં આવી રહી છે. બસમાં એન્ટ્રી અને એક્ઝીટ ગેટ અલગ રાખવામાં આવ્યા છે. સેમ્પલ ટેસ્ટીંગ કરનારા ડોકટરો માટે અલગથી વિભાગ બનાવ્યો છે.