ધરપકડ:ભૂતિયા વાહનો પર 8.64 કરોડની લોન છેતરપિંડીમાં RTO એડવાઇઝર ઝબ્બે

અરૂણાચલ પ્રદેશના ઈટાનગરમાં બોગસ ડોક્યુમેન્ટો આધારે ભૂતિયા વાહનો રજીસ્ટ્રેશન કરાવ્યા બાદ યસ બેંકમાંથી 8.64 કરોડ રૂપિયાની લોન લઇ છેતરપિંડી કરવાના કેસમાં આરોપી એવા 48 વર્ષીય આરટીઓ એડવાઇઝર ભૂમેશ રસિકલાલ શાહ (રહે,મિલેનીયમ રેસીડન્સી, હનીપાર્ક રોડ,અડાજણ)ડીસીબીએ ઝડપી પાડ્યો છે.

આરોપી આરટીઓ એડવાઇઝર ભૂમેશ શાહ છેતરપિંડી કેસના મુખ્ય સૂત્રધાર ઈર્શાદ પઠાણના ઈશારે કામ કરતો હતો. વધુમાં આરોપી ભૂમેશ શાહ આરસી બુક માટેનો ડ્રાફ્ટ તૈયાર કરી આપતો હતો. આરોપી ભૂમેશ શાહ દ્વારા તૈયાર કરાયેલા ડ્રાફટના આધારે સૂત્રધાર ઈર્શાદ અરૂણાચલ પ્રદેશના ભૂતિયા વાહનોનું રજીસ્ટ્રેશન કરાવી દેતો હતો.

આગામી દિવસોમાં ભૂતિયા વાહનોના લોન છેતરપિંડી કેસમાં ઘણા રહસ્યો ખોલી શકે તેમ છે. વધુમાં આ લોન છેતરપિંડી કેસમાં 20 જેટલા આરોપી લોનધારકોએ 5.25 કરોડની રકમ બેંકમાં ભરપાઈ કરી ન હતી. લોન છેતરપિંડીકેસમાં મુખ્ય સૂત્રધાર ઈર્શાદ પઠાણ, તેનો ભાઈ ઈમરાન પઠાણ, કપિલા કોઠીયા, શૈલેષ જાદવાણી અને મુકેશ સોજીત્રાની ધરપકડ કરવામાં આવી હતી. હાલમાં આ આરોપીઓ જેલમાં છે.