આદેશ:રાજકીય રેલી, સભા, મોલ થકી કોરોનાના કેસો વધવાની દહેશત, માસ્ક ફરજિયાત

કોરોનાનો સળવળાટ ફરી થઇ રહ્યો છે, મહારાષ્ટ્રમાં તો ફરી વખત સ્થિતિ વકરવા માંડી છે ત્યારે મહારાષ્ટ્રથી આવનારાઓએ ફરજિયાત નજીકના હેલ્થ સેન્ટરોમાં ચેકિંગ કરાવવાનું રહેશે. શહેરના વિવિધ માર્કેટો, સુપર મોલ અને કોમર્શિયલ સ્થળો પર લોકો મોટી સંખ્યામાં ‌અવરજવર કરતાં હોય તેમાંથી ઘણી વ્યક્તિઓ કોરોનાગ્રસ્ત હોવાની શક્યતા છે તેથી સંક્રમણ ખુબજ ઝડપથી વધી શકે છે તેવી ભીતિ પાલિકા કમિશનર પાનીએ સેવી છે તેમજ લોકોને અપીલ કરી છે કે, ભીડભાડ વાળા સ્થળો પણ માસ્ક વગર નહીં જવું તેમજ માર્કેટો, મોલ, કોમર્શિયલ સ્થળોના કર્મચારીઓએ માસ્ક સાથે ફેશ શિલ્ડનો અવશ્ય ઉપયોગ કરવા જણાવ્યું છે.

વધુમાં કોરોના સંક્રમણને ઘણાં લોકો ગંભીરતાથી નથી લેતાં પરિણામે કોરોના પોઝિટિવ કેસો વધે નહીં તે માટે કોરોનાના સંક્રમણથી બચવા માસ્ક અમોઘ શસ્ત્ર છે. જેથી ‘માસ્ક નહીં તો ટોકેંગે, કોરોના કો રોકેંગે’ તથા નો માસ્ક નો એન્ટ્રી નો અમલ કડક બનાવવા બોર્ડ બેનરો લગાડવા પણ સુચના આપી છે.