શક્યતા નહિંવત:દોઢ લાખ છાત્રોને બુટ- મોજા અને ગણવેશ નહીં મળે!

કોરોનાકાળમાં અડધું શૈક્ષણિક સત્ર પૂર્ણ થઇ જતાં હવે પાલિકા સંચાલિત શિક્ષણ સમિતિના દોઢ લાખ બાળકોને આ વર્ષે યુનિફોર્મ અને બૂટ-મોજા મળવાની શક્યતા નહિંવત જણાઇ રહી છે. યુનિફોર્મ અને બુટ-મોજાની ખરીદી માટેની ટેન્ડરની ફાઇલ પાલિકા ખાતે પડી છે, શિક્ષણ સમિતિના વર્ષ 2020-21ના બજેટમાં દોઢ લાખ વિદ્યાર્થીઓના યુનિફોર્મ માટે બજેટમાં 7 કરોડ અને બુટ-મોજા માટે 4 કરોડ રૂપિયા ફાળવાયા હતા.

પરંતુ આ વર્ષે કોરોનાને લઇ આ બંને હેડના રૂપિયા વાપર્યા વિના રહી જશે. હજુ સુધી શાસકોએ યુનિફોર્મ-બુટ મોજાની ખરીદી મામલે કોઇ નિર્ણય લીધો નથી! વિદ્યાર્થીઓને મળતી શિષ્યવૃત્તિ, મધ્યાહન ભોજન સહિતની સુવિદ્યા પણ ખોરવાઇ છે