ગુનો:મહિલાને ચોથા માળેથી ફેંકી કરાયેલા હત્યાના પ્રયાસમાં ગુનો

યોગીચોક શ્રીપદ એવન્યુમાં ભારતીબેન હરેશભાઇ બોધરા રહે છે. તેમની પડોશમાં ધર્મિષ્ઠાબેન કમલેશભાઇ ખેરડીયા સાથે સારી મિત્રતા થઇ હતી. આશરે ત્રણેક મહિના પહેલાં તેમની સામે દક્ષા નરેન્દ્ર આખજા રહેવા આવી હતી. દક્ષાને ભારતીબેન અને ધર્મિષ્ઠાની મિત્રતા ગમતી ન હોવાથી છેલ્લા કેટલાક દિવસોથી ભારતીબેનને ધર્મિષ્ઠા સાથે સંબંધ તોડી નાખવા માટે દબાણ કરતી હતી.

શુક્રવારે સવારે ભારતીબેન અને દક્ષા વચ્ચે ફરી બોલાચાલી થઇ હતી. આ બોલાચાલીથી ઉશ્કેરાઇ જઇને દક્ષાએ ભારતીબેનને ધક્કો લાગતા તેણી ચોથા માળેથી પહેલા માળે પટકાઇ હતી. જેથી માથામાં ઇજા પહોંચી હતી. બનાવ અંગે દક્ષા સામે હત્યાનો પ્રયાસ કર્યાનો ગુનો નોંધ્યો છે.