• Gujarati News
  • Local
  • Gujarat
  • Surat
  • Now, It Is Possible To Give Birth To A Child With Genetics Without Donor Eggs, A New Method Allows Surat Couple To Become Parents

આજે વિશ્વ IVF દિવસ:હવે, ડોનર એગ્સ વિના જેનેટિકવાળા બાળકને જન્મ આપવો શક્ય, નવી પદ્ધતિથી સુરતનું દંપતી માતા-પિતા બની શક્યું

સુરત3 મહિનો પહેલાલેખક: ખ્યાતિ માણિક
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • ઓવેરિયન રિજુવિનેશન પદ્ધતિમાં લોહીમાંથી પ્લેટલેટ રિચ પ્લાઝ્મા છુટુ પાડી ઓવરીમાં મુક્તાં સ્ત્રી બીજ બને છે
  • બ્રિટનમાં પહેલું બાળક 25, જુલાઈ 1978એ કૃત્રિમ રીતે અવતર્યું હતું

આઇવીએફ ટ્રીટમેન્ટ હેઠળ અત્યાર સુધી ડોનર એગ્સની મદદથી જ માતા બની શકાતું હતું. પણ હવે ઓવેરિયન રિજુવિનેશન પદ્ધતિથી કેટલાંક કિસ્સાઓમાં પોતાના સ્ત્રીબીજનું એટલે કે પોતાના જેનેટિકવાળા બાળકને જન્મ આપવો શક્ય છે. સુરતનું જ એક કપલ તાજેતરમાં આ પદ્ધતિથી માતા-પિતા બન્યું હોવાનું આઇવીએફ નિષ્ણાંત ડો. રૂપલ શાહે જણાવ્યું હતું. આ પ્રક્રિયા મુજબ લેબોરેટરીમાં પોતાના જ લોહીમાંથી પ્લેટલેટ રિચ પ્લાઝ્મા (PRP) છુટું પાડી મહિલાનું ઓવરીમાં ઇન્જેક્ટ કરવામાં આવે છે. પીઆરપીના પોષકતત્ત્વો ઓવરીમાં ઉંમરને કારણે નિષ્ક્રિય થયેલા સ્ટેમસેલને સક્રીય કરે છે અને તેનાથી સ્ત્રીબીજ બને છે.

આ નવી પદ્ધતિ શું છે?
એગ ફ્રીઝિંગ-ઓવેરિયન રિજુવિનેશન IVFના જ પ્રકાર છે. પ્લેટલેટ રીચ પ્લાઝમા મહિલાની ઓવરીમાં ઇંજેકટ કરવાથી નિષ્ક્રિય સ્ટેમસેલ્સ સક્રિય થઈ સ્ત્રીબીજ બને છે. ત્યાર બાદ હોર્મોન્સના ઈજેંકશનો આપી વધુ સ્ત્રીબીજ બનાવી સ્ત્રીના પતિના વીર્ય દ્વારા ફલિત કરવામાં આવે છે.

આવા સંજોગોમાં પરિણામ મળે
મોટી ઉંમરે લગ્ન થયા હોય, કોઈ અન્ય કારણસર માતૃત્વ ધારણ ના શકાયું હોય કે નાની ઉંમરે મેનોપોઝ આવી જતાં સ્ત્રીબીજ (એગ્સ) ઓછા થઇ ગયા હોય, કેન્સરની સારવાર બાદ સ્ત્રીબીજ ન થતાં હોય તો પણ આ પદ્ધતિથી પોતાના જિનેટિકવાળા જ બાળકને જન્મ આપી શકાય છે.

જિનેટિક માતા-પિતા બન્યા
ઈન્ફર્ટીલિટીને કારણે ઘણી સમસ્યા હતી. પરંતુ અમારે કોઈ ડોનર નહીં પણ બંનેએ પોતાના બાળકના જિનેટિક માતાપિતા બનવું હતું. ડો. શાહે જાણ કરી તો અમે રિસ્ક લીધું, દરેક પ્રક્રિયા કરી અને પહેલીવારમાં જ સફળ પરિણામ મળ્યું. આ પ્રક્રિયા એકદમ પીડારહિત હતી.

નવી ટ્રીટમેન્ટ 50 ટકા સફળ રહી શકે
આ ટ્રીટમેન્ટ 50 ટકા સફળ સાબિત થઈ શકે છે. અમે ત્રણ દંપતીને આ ટ્રીટમેન્ટથી સફળતા આપી ચુક્યા છીએ. એક કેસમાં તો હોર્મોન ફક્ત 0.3 જ હતા. છતાં દંપતી યુવા હોવાથી આ ટ્રીટમેન્ટ સાથે તેઓ સફળ બન્યા છે. - ડો.રૂપલ શાહ, ગાયનેકોલોજીસ્ટ, IVF નિષ્ણાંત

અન્ય સમાચારો પણ છે...