તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ક્રાઇમ:મૂર્તિનો ફોટો ફરતો કરાતાં વેપારીની પત્ની એ ટ્રસ્ટીને કહ્યું, ‘મારો પુત્ર મૂર્તિ લાવ્યો છે’

સુરત10 દિવસ પહેલા
  • કૉપી લિંક
ભગવાન મામાદેવની પ્રતિમા - Divya Bhaskar
ભગવાન મામાદેવની પ્રતિમા
  • અઠવાના 100 વર્ષ જૂના ભૂતમામા મંદિરમાંથી મૂર્તિ ચોરાઈ
  • ચોરી કરનાર યુવકે પોલીસને બાંહેધરી આપી કે, બીજી વખત આવી ભુલ નહીં કરું

અઠવાલાઇન્સ ખાતે ગોકુલમ ડેરી નજીક 100 વર્ષ જૂના ભૂતમામા મંદિરમાંથી મૂર્તિ ચોરી થઇ હતી. મૂર્તિ ચોરી થતાં મંદિરના ટ્રસ્ટી અશોકભાઈએ મૂર્તિનો ફોટો અને પોતાનો ફોન નંબર સોશિયલ મીડિયા પર વાયરલ કર્યો હતો. મૂર્તિની ચોરનારની માતાએ સોશિયલ મીડિયા પર મૂર્તિનો ફોટો જોતા તેમને તરત ખ્યાલ આવી ગયો કે રાત્રે તેમનો પુત્ર જે મૂર્તિ લઈ આવ્યો હતો તે મંદિરમાંથી ચોરી થઈ છે.

માતાએ સોશિયલ મીડિયા અપાયેલા નંબર પર ફોન કરી મૂર્તિ મારો પુત્ર લાવ્યો છે તેની ભૂલ થઈ ગઈ છે. એવું કહી ઘરનું એડ્રેસ આપ્યું હતું. મંદિરના ટ્રસ્ટી અશોકભાઈ ઉમરા પોલીસના સાથે યુવકના ઘરે જઈ મૂર્તિ લઈ આવી મંદિરમાં પ્રાણ પ્રતિષ્ઠા કરી હતી. મૂર્તિની ચોરી કરનાર 30 વર્ષીય યુવક ઘોડદોડ રોડ પર રહેતા ડિસ્પોઝેબલ ડિશના વેપારીનો પુત્ર છે. મૂર્તિ ચોરનારે ઉમરા પોલીસને ભવિષ્યમાં આવું ન કરવાની બાયધરી આપતા મંદિરના ટ્રસ્ટીએ ફરિયાદ આપી ન હતી.

‘તમે ભલે મારી સાથે વાતચીત ન કરો પણ મારા મામાદેવ ભગવાન મારી સાથે રહેશે’
શુક્રવારે રાત્રે માતા-પિતા સાથે ઝઘડો થતાં યુવક મોપેડ પર નીકળી મામાદેવના મંદિરમાંથી મૂર્તિ લઈ ઘરે આવ્યો હતો. ઘરે જઈને પુત્રે કહ્યું કે તમે ભલે મારી સાથે વાત ન કરો,પણ મારા મામાદેવ ભગવાન મારી સાથે રહેશે. મૂર્તિ લાવતા માતાએ ઝઘડો પણ કર્યો હતો. બાદમાં તે સુવા જતા તેના મિત્રોને મૂર્તિ મંદિરમાં મુકવા મોકલ્યા હતા. શનિવારે વહેલી સવારે પુત્ર પાછો મૂર્તિ મંદિરમાંથી લાવીને એપાર્ટમેન્ટમાં ગાર્ડનમાં મુકી દીધી હતી. પુત્ર માનસિક બિમારીથી પિડાતો હોવાની વાત પરિવારે પોલીસ સમક્ષ કરી છે.

મંદિર બહાર ભક્તોના ટોળા વળ્યા
ભગવાન ભૂતમામાના મંદિરમાંથી મૂર્તિ ચોરાતા ભક્તોમાં રોષની લાગણી ફેલાઈ હતી. મૂર્તિની ચોરી અંગે વાત ફેલાતા મંદિર બહાર ભક્તોના ટોળા ભેગા થયા હતા. મંદિરના ટ્રસ્ટી અશોકભાઈએ જણાવ્યું કે, મારા કાકા સવારે મંદિરની સાફ-સફાઇ કરવા ગયા તો મંદિરમાં મૂર્તિ ન હતી. જેથી ઘરે આવીને મને વાત કરી હતી.

અન્ય સમાચારો પણ છે...