શ્વાનના આતંકના LIVE દ્રશ્યો:સુરતમાં મહિલા પર બે શ્વાન તૂટી પડતા રોડ પર ઢળી પડ્યા, હોસ્પિટલમાં દાખલ, એક જ સોસાયટીમાં 15થી વધુને બચકાં ભર્યા

સુરત5 મહિનો પહેલા
  • સ્થાનિકોની ફરિયાદના પગલે પાલિકાએ શ્વાનોને પકડ્યાં

સુરતમાં શ્વાનોનો ત્રાસ દિવસે ને દિવસે વધી રહ્યો છે. ત્યારે ભટાર વિસ્તારમાં આવેલી શુભ મંગલ સોસાયટીમાં શ્વાનોએ આતંક મચાવ્યો હતો. આ એક જ સોસાયટીમાં લગભગ 15થી વધુ લોકોને 3 જેટલા શ્વાનોએ બચકાં ભરી લીધાં હતાં. જેમાંથી એક આધેડ વયની મહિલાને સારવાર માટે સિવિલ હોસ્પિટલમાં ખસેડવામાં આવી હતી. જેની તબિયત હાલ સ્થિર છે.

માતાને શ્વાને બચકાં ભરતાં પુત્ર તેમને હોસ્પિટલ લઈ આવ્યો હતો.
માતાને શ્વાને બચકાં ભરતાં પુત્ર તેમને હોસ્પિટલ લઈ આવ્યો હતો.

શ્વાને બચકાં ભરતાં મહિલા પડી
શુભ મંગલ સોસાયટીમાં આવેલા અંકુર એપાર્ટમેન્ટમાં શ્વાને મહિલાને ઝપટે લીધી હતી. મહિલાના પુત્ર હરીકૃષ્ણ પટેલએ જણાવ્યું હતું કે,અમારા એપાર્ટમેન્ટમાં શ્વાનોનો ત્રાસ છે. મારી માતા પર શ્વાનો તૂટી પડ્યાં હતાં. જેથી તેણીને સારવાર માટે સિવિલ હોસ્પિટલમાં લાવવામાં આવ્યાં છે. તેમની તબિયત સ્થિર છે. આ શ્વાનોએ અમારી સોસાયટીના 15 જેટલા લોકોને બચકાં ભર્યાં હતાં.

બચકાં શ્વાનોએ ભરતા મહિલા ઢળી પડી હતી.
બચકાં શ્વાનોએ ભરતા મહિલા ઢળી પડી હતી.

પાલિકાએ શ્વાનો પકડ્યાં
મહાનગરપાલિકા દ્વારા સ્થાનિકોની ફરિયાદ મળી હતી. જેથી પાલિકા દ્વારા તાત્કાલિક કાર્યવાહી કરવામાં આવી હતી. પાલિકા દ્વારા તાત્કાલિક સોસાયટીમાં સવારના સમયે શ્વાનો પકડવાની કામગીરી હાથ ધરવામાં આવી હતી. શ્વાનના કરડવાની ઘટના એપાર્ટમેન્ટના સીસીટીવીમાં કેદ થઈ ગઈ હતી.

અન્ય સમાચારો પણ છે...