કોરોના સુરત LIVE:225 દિવસ બાદ 6 મહિલા સહિત આઠનાં મોત, મંદિર, મસ્જિદ, ચર્ચમાં 12ને કોરોના

રવિવારે સુરતમાં કોરોનાના નવા 724 કેસ સામે આવ્યા હતા. જે પૈકી 179 કેસ જિલ્લામાં સામે આવ્યા હતા. રવિવારે 8ના મોતથી કુલ મૃત્યુ આંક 1196 પર પહોંચી ગઈ છે. રવિવારે 687 લોકોને સાજા થઇ જતા રજા આપી દેવામાં આવી હતી. કુલ 62919 લોકો કોરોનામાંથી સાજા થઇ ચુક્યા છે. રવિવારે રુદરપુરાની 56 વર્ષીય મહિલા, ડિંડોલીની 50 વર્ષીય મહિલા ઉધનાના 76 વર્ષીય વૃધ્ધ, પુણાની 40 વર્ષીય મહિલા, પાલની 65 વર્ષીય મહિલા, વેડરોડની 60 વર્ષીય મહિલા, મોટા વરાછાના 65 વર્ષીય વૃદ્ધ અને વરાછાની 33 વર્ષીય મહિલાનું કોરોનામાં મોત નીપજ્યું હતું. હાલ કુલ 3750 એક્ટિવ કેસ છે. છેલ્લે 16 ઓગસ્ટે 9 મોત કોરોનાથી થયા છે.

કાપડ અને ડાયમંડના 13 વેપારી પોઝિટિવ
શહેરના તમામ ઝોન વિસ્તારમાં આવેલા મંદિર,મસ્જીદ અને ચર્ચમાં કાર્યરત જેતે ધર્મના ગુરૂઓ તથા ત્યાંના અન્ય વ્યકિતઓનું ટેસ્ટીંગ કરવામાં આવ્યું હતું. જેમાં, કુલ 639 વ્યકિતઓનું ટેસ્ટીંગ કરાયુ હતું. જેમાંથી કુલ 12 વ્યકિતઓ પોઝિટિવ મળ્યા છે. જેથી મંદિર,મસ્જદ અને ચર્ચમાં કોરોનાનું સંક્રમણ ન ઉદ્ભવે એ માટે તેઓએ કોરોનાની ગાઈડલાઈનનો ચૂસ્તપણે અમલ કરવા પાલિકા એ તાકિદ કરી છે. રવિવારે ડાયમંડ બજાર સાથે સંકળાયેલા 6 અને ટેકસટાઇલ માર્કેટ સાથે સંકળાયેલા 13 લોકોનો કોરોના રિપોર્ટ પોઝિટિવ આવ્યો હતો. જેમાં વેપારીઓને પણ ચેપ લાગ્યો હતો.

શહેરમાં કોરોના પોઝિટિવ કેસની ઝોન પ્રમાણે વિગત

​​​​​​​

સરકારી હોસ્પિટલમાં 478 દર્દી ઓક્સિજન હેઠળ
રવિવાર રાત સુધીના આંકડા પર નજર કરીએ તો સિવિલ હોસ્પિટલમાં 318 દર્દીઓ ઓક્સિજન પર સારવાર લઈ રહ્યા છે.જયારે 99 લોકો બાયપેપ પર અને 18 લોકો વેન્ટિલેટર પર સારવાર લઈ રહ્યા છે.આવી જ રીતે સ્મીમેર હોસ્પિટલમાં 160 લોકો ઓક્સિજન પર, 41 લોકો બાયપેપ પર અને 14 લોકો વેન્ટિલેટર પર સારવાર લઈ રહ્યા છે.