બેઠક:ચાઈનાની જેમ સુરતમાં પણ લેબગ્રોન ડાયમંડના ઉત્પાદન માટે જગ્યા ફાળવાશે: મંત્રી પિયુષ ગોયલ

સુરતએક મહિનો પહેલા
  • કૉપી લિંક
  • જીજેઈપીસીની આગેવાનીમાં લેબગ્રોન ડાયમંડ ઉદ્યોગપતિઓની કોમર્સ મંત્રી સાથે બેઠક

લેબગ્રોન ડાયમંડ પાર્ક અથવા સીએફસી (કોમન ફેસિલિટી સેન્ટર) બનાવવા માટે સરકાર દ્વારા જગ્યા ફાળવવામાં આવશે. જીજેઈપીસીની આગેવાનીમાં સુરતના લેબગ્રોન ડાયમંડ ઉદ્યોગપતિઓનું ડેલિગેશન કોમર્સ મંત્રી પિયુષ ગોયલને મળવા માટે ગયું હતું. જેમાં પિયુષ ગોયલે લેબગ્રોન ડાયમંડના વિકાસ માટે જગ્યા ફાળવવામાં આવશે એવું આશ્વાસન આપ્યું હતું.

રશિયાનો ઓપ્શન શોધવા અને ચાઈના જેવી રીતે લેબગ્રોન ડાયમંડનું મોટા પ્રમાણમાં ઉત્પાદન કરી રહ્યું છે તેવી જ રીતે ભારત અને ખાસ કરીને સુરત પણ લેબગ્રોન ડાયમંડના ઉત્પાદનમાં આગળ વધે તે માટે જીજેઈપીસી (જેમ એન્ડ જ્વેલરી એક્સપોર્ટ પ્રમોશન કાઉન્સિલ)ની આગેવાનીમાં સુરતનું ડેલીગેશન પિયુષ ગોયલને મળ્યું હતું.

જેમાં જીજેઈપીસીના ચેરમેન કોલિન શાહ, જીજેઈપીસીના રિજિયોનલ ચેરમેન દિનેશ નાવડિયા, મનિષ જીવાણી, નરેશ લાઠિયા, મુકેશ એમ.કાંતીલાલ, સ્નેહલ ડુંગરાણી, કેવલ વિરાણી, સમીર જોશી અને ચિરાગ ભથવારી, લેબગ્રોન ડાયમંડ એસો. પ્રમુખ બાબુ વાઘાણી મિટિંગમાં જોડાયા હતાં.

લેબગ્રોન ડાયમંડની મશીનરી એક્સપોર્ટ કરવામાં આ‌વશે
ચાઈના જેવી રીતે લેબગ્રોન ડાયમંડ માટે મશીનરી બનાવી એક્સપોર્ટ કરી રહી છે તેવી જ રીતે ભારતમાંથી પણ મોટા પ્રમાણમાં લેબગ્રોન ડાયમંડની મશીનરી એક્સપોર્ટ થાય તે માટે કોમર્સ મંત્રાલય દ્વારા વિવિધ પેકેજ બનાવાશે. જેથી મશીનરી એક્સપોર્ટ થશે, બીજી તરફ કૌશલ્ય વર્ધક તાલીમ આપી આ ક્ષેત્રમાં રોજગારીની નવી તકો ઊભી કરાશે. સંશોધન અને વિકાસ માટે IIT જેવી ઉચ્ચ સંસ્થાની મદદ લેવામાં આવશે.

આ ચર્ચા કરવામાં આવી

  • જીજેઈપીસીની મેમ્બરશિપ હશે તે જ પીએલઆઈ યોજનાનો લાભ લઈ શકશે
  • લેબગ્રોન ડાયમંડને એફટીપીમાં સામેલ કરવામાં આવશે.
  • લેબગ્રોન ડાયમંડ સ્ટડેડ જ્વેલરી માટે નવો એસએચ કોડ પર વિચારણા કરવામાં આવશે.
  • સુરતમાં મેગા સીએફસી માટે ઇન્ડસ્ટ્રી, રાજ્ય સરકાર અને કેન્દ્ર સરકાર દ્વારા 50:50 ટકા નું રોકાણ કરવા પર મંત્રણા હાથ ધરવામાં આવશે.
  • મંત્રાલય નેચરલ ડાયમંડ સાથે પણ અલગ બેઠક કરશે
  • વીજળી માટે વિશેષ ટેરિફ રજૂ કરવામાં આવી શકે છે.
  • જીજેઈપીસીમાં નેચરલ ડાયમંડમાં જેવી પ્રક્રિયા છે તેવી જ પ્રક્રિયા લેબગ્રોનમાં વિકવાશે. ​​​​​​​
અન્ય સમાચારો પણ છે...