રજૂઆત:રાષ્ટ્રીયતા કોલમ જન્મ-મરણ દાખલામાં ઉમેરવા CMને પત્ર

પાલિકા દ્વારા અપાતા જન્મ-મરણના પ્રમાણપત્રોમાં રાષ્ટ્રીયતાની કોલમ ઉમેરવાની માંગણી સાથે પૂર્વ નગરસેવક નિતીન ભરૂચાએ મુખ્યમંત્રી વિજય રૂપાણીને પત્ર મોકલી રજૂઆત કરી છે. સુરત પાલિકા દ્વારા 1 એપ્રિલથી જન્મ મરણના પ્રમાણપત્રો ગુજરાતી અંગ્રેજી બંને ભાષામાં એક જ કાગળ પર આપવાની શરૂઆત કરાઇ છે. પરંતુ પ્રમાણપત્રમાં રાષ્ટ્રીયતાની કોલમ ઉમેરવામાં આવી નથી. હાલના સંજોગોમાં આ પ્રમાણપત્રો જે કાગળો પર આપવામાં આવે છે તે પણ દસ્તાવેજી પુરાવા તરીકે સાચવી રાખવામાં અગવડતા પડતી હોઇ છે.

જન્મ-મરણના પ્રમાણપત્રોમાં રાષ્ટ્રીયતા કોલમ ઉમેરવાની જરૂરિયાત એટલે માટે છે કે, હાલમાં ડ્રાઇવીંગ લાયસન્સ, વોટીંગ કાર્ડ, પાનકાર્ડ, આધારકાર્ડ, પાસપોર્ટ જેવા પ્રમાણપત્રોમાં ભારતીય રાષ્ટ્રીયતા સાબિત થઇ શકે તેવો કોઇ ઉલ્લેખ દસ્તાવેજી પુરાવાઓમાં મળતો નથી.