આજે રિટર્ન ભરવાનો છેલ્લો દિવસ:ITRની તારીખ દસ દિવસ લંબાઇ, 40 ટકા રિટર્ન બાકી

આખરે ઇન્કમટેક્સ રિટર્ન સહિતના રિટર્નની તારીખો લંબાઈ છે જેમાં આઇટી રિટર્નની તારીખ 10મી જાન્યુઆરી એટલે કે દસ જ દિવસ લંબાવી છે. નોંધનીય છે કે, સુરતમાં 12 લાખથી વધુ રિટર્ન ભરાતા હોય છે અને હજી 40 ટકાથી વધુ રિટર્ન ભરાવવાના બાકી છે. જોકે, કેટલાંક સી.એ. તેનાથી નારાજ છે. સી.એ. વિરેશ રૂદલાલ કહે છે કે આ તારીખો ફેબ્રુઆરી કે માર્ચ સુધી લંબાવવાની જરૂરી હતી. હવે હાઇકોર્ટ પર બધો મદાર છે. સી.એ. બિરજુ શાહ કહે છે કે વિવાદ સે વિશ્વાસની તારીખ હવે લંબાવીને 31મી જાન્યુઆરી કરવામાં આવી છે, ત્યાં સુધી અરજી કરી શકાશે. જીએસટી-9સી રિટર્ન 28 ફેબ્રુ. સુધી ભરાશે.