તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Local
  • Gujarat
  • Surat
  • In The Last 72 Hours In Surat 5 Youths Were Killed, After Being Killed In A Love Affair, The Killers Took The Phone Of The Youth And Run Away

લોહિયાળ ડાયમંડ સિટી:સુરતમાં છેલ્લા 72 કલાકમાં 5 યુવાનની હત્યા, પ્રેમપ્રકરણમાં હત્યા બાદ યુવાનનો ફોન લઈ હત્યારા ભાગી ગયા

સુરત3 દિવસ પહેલા
પાંડેસરામાં યુવકની પ્રેમપ્રકરણમાં ચપ્પુના ઘા ઝીંકી હત્યા કરી હત્યારાઓ ભાગી ગયા (પ્રતિકાત્મક તસવીર).
  • પ્રેમપ્રકરણમાં 2, અદાવતમાં 1 અને રૂપિયા બાબતે 2 હત્યા થઈ
  • એક હત્યા તો માત્ર 5000 હજાર રૂપિયા માટે મિત્રને હત્યારો બનાવ્યો

છેલ્લા 72 કલાકમાં પાંચ-પાંચ યુવાનોની હત્યા સાથે ડાયમંડ સિટી તરીકે ઓળખાતું સુરત હવે લોહિયાળ સિટી તરીકે પણ ઓળખાવા લાગ્યું છે. પુણાગામ, ડીંડોલી, પાંડેસરા, લિંબાયત બાદ ફરી પાંડેસરા વિસ્તારમાં એક યુવાનને જાહેરમાં જ રહેંસી નખાયો હોવાની ઘટના સામે આવતાં પોલોસ પેટ્રોલિંગ સામે અનેક પ્રશ્નો ઊભા થયા છે. અત્રે ઉલ્લેખનીય છે કે આ હત્યાઓમાં મિત્રે મિત્રની, યુવતીના એક પ્રેમીએ બીજા પ્રેમી, ધંધાની અદાવત અને પ્રેમપ્રકરણનો સમાવેશ થાય છે.

પહેલો કેસઃ રાત્રે પ્રેમપ્રકરણમાં હત્યા
મંગળવારની રાત્રે પાંડેસરા વિસ્તારમાં સન્તા કુમાર યાદવની પ્રેમપ્રકરણમાં ચપ્પુના ઘા ઝીંકી હત્યા કરી હત્યારાઓ ભાગી ગયા હતા. સન્તા કુમાર નામના યુવકને પ્રેમપ્રકરણમાં ચપ્પુના ઉપરાછાપરી ઘા ઝીંકી પતાવી દેવાયો હોવાનું જાણવા મળ્યું છે. નીડર હત્યારાઓ મૃતક યુવક પાસેથી મોબાઈલ ફોન પણ લૂંટી ગયા હોવાનું જાણવા મળ્યું છે. ACP ચૌધરીએ જણાવ્યું હતું કે રાત્રે યુવકની હત્યા કરાઈ છે અને આરોપીઓની શોધખોળ ચાલી રહી છે.

બીજો કેસઃ મિત્રની હત્યા કરી લાશ રેલવે ટ્રેક પર ફેંકી દીધી
મૂળ બિહારનો નિલેશકુમાર જાગદેવસિંહ ભૂમિહાર માતા-પિતા સાથે નવાગામમાં ગૃહલક્ષ્મીનગરમાં રહેતો હતો. રવિવારે સવારે ભેસ્તાન નિયોલ રેલવેલાઈન પરથી નિલેશની લાશ મળી આવી હતી. ટ્રેનની અડફેટે નિલેશના બે ટુકડા થઈ ગયા હતા. પીએમ રિપોર્ટમાં ખબર પડી કે નિલેશનું ગળું દબાવીને હત્યા કરાઈ છે. લાશ પાસેથી એક ફોન મળી આવ્યો હતો. ફોન સેન્ટુ અરૂણસિંગ ભૂમિહાર (રહે. બિલિયાનગર,નવાગામ)નો હતો.સેન્ટુ ફરાર છે. સેન્ટુએ એક જરીના ખાતામાં નિલેશકુમારને નોકરીએ રખાવ્યો હતો. એ માટે નિલેશે એડવાન્સમાં પાંચ હજાર રૂપિયા લઈ લીધા હતા. શનિવારે નિલેશકુમાર કામ પર ગયો નહોતો. તેથી સેન્ટુએ તેને કહ્યું કે જો કામ પર ન આવવું હોય તો એડવાન્સમાં લીધેલા રૂપિયા પાછા આપી દે. બંનેના ઝઘડામાં સેન્ટુએ જ નિલેશની હત્યા કરી હોવાનું પોલીસનું માનવું છે.

ત્રીજો કેસઃ સારોલીમાં મોં પર મુક્કો મારતાં યુવકનું મોત
પુણા પોલીસ સ્ટેશન વિસ્તારમાં કડોદરા રોડ પર સારોલી પાસે એક મુક્કો મારીને યુવકની હત્યા કરાઈ છે. પુણા પોલીસના જણાવ્યા અનુસાર, સારોલી ગામની હદમાં ન્યુ સારોલી નગરીમાં રહેતો હિતેશ ગણેશસિંગ રાજપૂત( 20 વર્ષ) ખાનગી કંપનીમાં નોકરી કરે છે. આરોપી આકાશસિંગ રંજનસિંગ ઠાકુર (રહે. કુંભારિયા ગામ) હાલ કોઈ કામધંધો કરતો નથી. આકાશસિંગ હિતેશ પાસે અવારનવાર 100 અથવા 200 રૂપિયા માગ્યા કરતો હતો. સોમવારે રાત્રે પણ આકાશસિંગે હિતેશ પાસે 200 રૂપિયા માગ્યા હતા. હિતેશે રૂપિયા નહીં આપતાં બંને વચ્ચે ઝગડો થયો હતો. એમાં આકાશસિંગે મોઢાના ભાગે મુક્કો મારી દેતાં હિતેશ નીચે પટકાયો હતો. તેનું તરત જ સ્થળ પર જ મોત નીપજ્યું હતું. પોલીસે મોડી રાત્રે હત્યાનો ગુનો દાખલ કરીને આરોપી આકાશસિંગની ધરપકડ કરી છે.

ચોથો કેસઃ ધંધાની અદાવત રાખી બૂટલેગરની હત્યા કરાઈ
લિંબાયતમાં સંજયનગરમાં બૂટલેગર પર બે જણે જાહેરમાં ચપ્પુ મારીને તેની હત્યા કરી હતી. બૂટલેગરનું સ્થળ પર જ મોત નીપજ્યું હતું. લિંબાયત સંજયનગર પાસે સુભાષનગરમાં રહેતો બૂટલેગર પ્રદીપ ઉર્ફ દાદા પાટીલ સાંજે સંજયનગર પાસેથી પસાર થતો હતો ત્યારે બે જણા તેની પાસે આવ્યા અને તેની સાથે ઝઘડો કરીને ચપ્પુ મારીને નાસી ગયા હતા. જાહેરમાં બનેલા આ બનાવમાં પ્રદીપનું ઘટનાસ્થળ પર જ મોત નીપજ્યું છે. મોડી રાત્રે બે પૈકી એક આરોપીની ઓળખ થઈ છે. આરોપીનું વામ અજય ઉર્ફ લૂંગી મોતીલાલ સોલંકી છે. અજય ઉર્ફ લૂંગી ખૂબ જ રીઢો છે. તેના પર સંખ્યાબંધ કેસ છે. મરનાર પ્રદીપ બૂટલેગર છે. દારૂના ધંધાના અદાવતમાં જ તેની હત્યા થઈ હોવાનો પોલીસનું અનુમાન છે. મોડી રાત્રે પોલીસે હત્યાનો ગુનો દાખલ કરીને આરોપીઓની શોધખોળ હાથ ધરી છે. જ્યાં બનાવ બન્યો ત્યાં આસપાસ વાહનો પર મરનારનું લોહી ઊડ્યું હતું.

પાંચમો કેસઃ પાંડેસરામાં એક પ્રેમીએ બીજા પ્રેમીનું ઢીમ ઢાળ્યું
મૂળ ઉત્તરપ્રદેશના આઝમગઢનો વતની બ્રિજેશ રામનયન રાજભર (ઉં.વ.22) હાલ ઉધના પ્રભુનગરમાં રહેતો હતો અને એમ્બ્રોઇડરીના કારખાનામાં છેલ્લા એક માસથી નોકરી કરતો હતો. બ્રિજેશને વતનમાં રહેતી એક યુવતી સાથે પ્રેમ થયો હતો. પોતાના પ્રેમને મેળવવા માટે તે સુરત આવ્યો હતો. દરમિયાન સુરત આવેલી યુવતીને રોહિત નામના યુવક સાથે પ્રેમ થયો હતો. યુવતીના સુરતમાં રહેતા પ્રેમી રોહિતને સુરતમાં બ્રિજેશ આવ્યો હોવાની જાણ થતાં તેણે તેના બીજા પ્રેમી રોહિતે તેને ફોન કરીને પાંડેસરા કૈલાશ ચોકડી પાસે બોલાવ્યો હતો. બ્રિજેશ ત્યાં આવતા જ રોહિત તથા તેના સાગરીતો ચપ્પુ વડે તેની પર હુમલો કરી ગંભીર ઇજા પહોંચાડી નાસી ગયા હતા. ગંભીર ઇજા પહોંચેલા બ્રિજેશને સારવાર માટે હોસ્પિટલમાં ખસેડવામાં આવ્યો હતો, જ્યાં સારવાર દરમિયાન તેનું મોત નીપજ્યું હતું. જેથી પોલીસે રોહિતની ધરપકડ કરી હતી.

0

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે ઉન્નતિને લગતાં શુભ સમાચારની પ્રાપ્તિ થશે. ધાર્મિક અને આધ્યાત્મિક કાર્યોમાં પણ થોડો સમય પસાર થશે. કોઇ વિશેષ સમાજ સુધારકનું સાનિધ્ય તમારી અંદર પોઝિટિવ ઊર્જા ઉત્પન્ન કરશે. નેગેટિવઃ- ઘરના...

વધુ વાંચો