કોરોના અપડેટ:સુરતમાં કોરોનાના નવા 45 કેસ, 48 સાજા થયા અને એક્ટિવ કેસની સંખ્યા 340 પર

ગુરુવારે શહેરમાં કોરોનાના નવા 39 અને જિલ્લામાં નવા 6 કેસ મળી કુલ 45 કેસ સામે આવ્યા હતા. જયારે 48 લોકો સાજા થયા હતા. એકપણ મોત નીપજ્યું ન હતું. અત્યાર સુધીમાં કુલ 1137 લોકોએ જીવ ગુમાવ્યો છે. કુલ 51689 લોકો સાજા થઇ ચુક્યા છે.હાલ કુલ 340 એક્ટિવ કેસ છે. રાજ્યભરમાં સ્થાનિક સ્વરાજ્યની ચૂંટણીઓ યોજાય રહી છે ત્યારે રાજકીય પાર્ટીઓના પ્રચારને પગલે પણ કોરોનાની સંખ્યા ધીમે ધીમે વધી રહી છે. શહેરની સરકારી હોસ્પિટલોની વાત કરીએ તો સ્મીમેર હોસ્પિટલમાં હાલ 7 દર્દીઓની હાલત ગંભીર છે, જયારે સિવિલ હોસ્પિટલમાં 2 દર્દીઓ ગંભીર હાલતમાં સારવાર લઈ રહ્યાં છે.