ધરપકડ:ડુંભાલમાં લૂંટ સાથે હત્યાની કાેશિશ કરનાર એક ઝડપાયો

લગ્ન માટે રૂપિયાની જરૂર હોવાથી બે મિત્રોએ ટોબેકોની દુકાનમાં લૂંટ કરવાની કોશિશ કરી વેપારીને ચપ્પુના ઘા ઝીંકી દીધા હતા. અઠવાડિયા પહેલાં બનેલી આ ઘટનામાં ક્રાઇમબ્રાંચે સોયેબખાન અફજલખાન પઠાણ(20)(સુગરાનગર,લિંબાયત)ને પકડી પાડયો હતો. જયારે સોયેબનો સાગરિત અલતાફ પિંજારી હજુ ફરાર છે.

અલતાફના લગ્ન હોવાથી રૂપિયાની જરૂર હતી. આથી બંને ડુંભાલમાં ટોબેકોની દુકાનમાં હથિયાર સાથે દુકાનમાં ઘુસી ગયા હતા. સોયેબખાન ડ્રોઅર ખોલી રૂપિયા કાઢવા જતા દુકાનદારે બૂમાબૂમ કરતા એક લૂંટારૂએ ચપ્પુના ઘા મારી ત્યાંથી રિક્ષામાં મીઠીખાડી ભાગી ગયા હતા.