સુરત:ડિંડોલીમાં યુવતી પલંગ પર સૂતી રહી ને બેડ નીચે પેટીમાં મુકેલા 90 હજારના દાગીના ચોરાયા

ડિંડોલી વિસ્તારમાં આવેલી રાધાકૃષ્ણ સોસાયટીમાં બાબા મેમોરીયલ હોસ્પિટલ પાછળ આવેલા મકાનમાંથી ચોરી થઈ હતી. યુવતી પલંગ પર સૂતી હતી એ દરમિયાન રાત્રિના 12 વાગ્યાથી ચાર વાગ્યા દરમિયાન કોઈએ પલંગ નીચે મુકેલી પેટીમાંથી માત્ર દાગીનાની ચોરી કરી હતી. જેથી આ અંગે પોલીસે ફરિયાદ નોંધી તપાસ હાથ ધરી છે.

જાણભેદુની આશંકા

ડિંડોલી પોલીસ મથકે નોંધાયેલી અનુરાધા અનંત રવિ દુબેની ફરિયાદમાં રાત્રિના સમયે પલંગ નીચે રાખેલી પેટીમાંથી સોનાના દાગીની ચોરી કરી હતી. જેમાં બે ગ્રામનો સોનાનો ટીકો, સોનાની સલાઈ એક ગ્રામ, બે ગ્રામની વિટી 01, એક જોડી કોનની બુટી 10 ગ્રામ, નાકની નથડી ચાર ગ્રામ, સોનાનું પેંડલ એક્ ગ્રામ તતા 550 ગ્રામ ચાંદીની પાયલ ત્રણ જોડી, હાથમાં પહેરવાની ચાંદીની મહેંદી 10 ગ્રામ તથા 15 હજાર રોકડા કુલ મળી 90 હજારની ચોરી થઈ હતી. ચોરી અંગે અનુરાધાના પિતા રાજેન્દ્ર તિવારીએ જણાવ્યું હતું કે, ઘરમાં અન્ય કોઈ વસ્તુને હાથ પણ લગાડવામાં આવ્યો નથી. ઘરમાં કોઈ બેડ પર સૂતું હોય અને નીચેથી ચોરી થાય તેમાં કોઈ જાણભેદુ હોવાની આશંકા સેવાઈ રહી છે.

જમાઈ લોકડાઉનમાં યુપી ફસાયો

દીકરીના ઘરે થયેલી ચોરી અંગે રાજેન્દ્ર રામલખન તિવારીએ જણાવ્યું હતું કે, જમાઈ લોકડાઉનમાં યુપી ફસાઈ ગયા હોવાથી દીકરીને તેઓ પિયર લઈ આવ્યાં હતાં. બાદમાં ચોરી થાયની જાણ થઈ હતી. જેથી તેઓ દીકરીના ઘરે ગયા તો સમગ્ર ચોરી અંગે જાણ થઈ હતી. બાદમાં અમે પોલીસ ફરિયાદ આપી છે. જેમાં પોલીસે પણ જાણભેદુએ ચોરી કરી હોય તે દિશામાં તપાસ હાથ ધરી છે.