મર્ડર:સુરતના ચલથાણમાં મિત્રને ત્યાં આવેલા યુવકનું ગળું કપાયેલી હાલતમાં મૃતદેહ મળી આવતાં હત્યાનો ગુનો નોંધાયો

સુરત2 મહિનો પહેલા
યુવક(ફાઈલ તસવીર)ની હત્યા થતાં પોલીસે વધુ તપાસ હાથ ધરી છે.
  • મૃતકના ફોનથી 108 અને પોલીસ કન્ટ્રોલ રૂમને ફોન કરાયાનું સામે આવ્યું

સુરતના ચલથાણમાં મિત્રને ત્યાં આવેલા યુવકનું ગળું કપાયેલી હાલતમાં મૃત મળી આવ્યા બાદ પોલીસે હત્યાનો ગુનો નોંધી તપાસ હાથ ધરી છે. મૃતક અનુજસિંગ બે દિવસ પહેલા સચિનથી ચલઠાણ મિત્રને ત્યાં રહેવા ગયો હતો. જયાંથી અનુજસિંગ પોતાના વતન બિહાર જવાનો હતો.

યુવક(ફાઈલ તસવીર)ના ફોનમાથી 108 અને પોલીસને પણ ફોન થયાં હતાં.
યુવક(ફાઈલ તસવીર)ના ફોનમાથી 108 અને પોલીસને પણ ફોન થયાં હતાં.

મૃતદહેની બાજુમાંથી ચપ્પુ મળી આવ્યું
પોલીસે જણાવ્યું હતું કે,શનિવારના સાંજે ચલઠાણ વિજયનગરના એક ઘરમાંથી લોહીના ખાબોચિયામાં પડેલો યુવકનો મૃતદેહ મળી આવ્યો હતો. તપાસ કરતા યુવાનનું ગળું કપાયેલું હતુ. પોલિસે પ્રાથમિક તબક્કે ગુનો નોંધી તપાસ હાથ ધરી હતી. મરનાર અનુજસિંગ મિત્ર ગુડ્ડને ત્યા બે દિવસ પહેલા જ સચિનથી રહેવા આવ્યો હતો. આજુ બાજુમાં રહેતા યુવાનના મિત્રોએ પોલીસને ઘટનાની જાણ કરી હતી. ઘટના સ્થળે પહોંચીને કડોદરા પોલીસને મૃતહેનની બાજુમાંથી ધારદાર ચપ્પુ મળી આવતા કબ્જે લઈ તપાસ આગળ વધાવી હતી. કોઈ અજાણ્યા ઈસમ દ્વારા તીક્ષ્ણ હથિયાર વડે ઘા કરી હત્યા કરી હોય તેવા દ્રશ્યો જોવા મળ્યા હતા.

યુવક(ફાઈલ તસવીર)ના ફોનમાંથી શા કારણે ફોન થયાં તે અંગે શંકા ઉદભવી રહી છે.
યુવક(ફાઈલ તસવીર)ના ફોનમાંથી શા કારણે ફોન થયાં તે અંગે શંકા ઉદભવી રહી છે.

કોલ શા માટે કરાયો તેની તપાસ શરૂ
કડોદરા પોલીસના જણાવ્યા અનુસાર પોલીસ દ્વારા તપાસ કરતા મૃતકનો મોબાઈલ પણ મળી આવ્યો હતો જેને ચેક કરતા 108 એમ્બ્યુલન્સ તેમજ 100 નંબર કન્ટ્રોલ રૂમમાં ફોન કરવામાં આવ્યો હતો જોકે 108 તેમજ 100 નંબર પર ફોન નહિ લાગ્યો હોવાનું જાણવા મળ્યું હતું જોકે કોલ શા માટે કર્યો હતો એ જાણી શકાયું ન હતું. હાલ તો પોલીસ દ્વારા મૃતદેહનો કબ્જો મેળવી પોસ્ટમોર્ટરમ અર્થે મોકલી આપી પ્રાથમિક અકસ્માતે મોતનો ગુન્હો દાલખ કરી આગળની કાર્યવાહી હાથધરી છે.