વિવાદ:અમરોલીમાં રૂપિયાની લેતીદેતીમાં દુકાનદારના પુત્ર પર ચપ્પુથી હુમલો

અમરોલી અંજની ઇન્ડસ્ટ્રીયલ પાસે કરિયાણાની દુકાન ચલાવતા પુત્રને રૂપિયાની લેવડદેવડમાં એક યુવકેે ચપ્પુના ઘા ઝીંકી જીવલેણ હુમલો કર્યો હતો. જેમાં પોલીસે હત્યાની કોશિશનો ગુનો નોંધી આરોપી સુનિલ રતન દાયમા(રહે,રામનગર સોસા,ભરથાણા)ને પકડી પાડયો છે. વધુમાં કરિયાણાની દુકાન ચલાવતા શ્યામસીંગ રાઠોડના પુત્ર કેસરે સુનિલ દાયમાને ઉછીના નાણાં આપ્યા હતા.જેની વેપારીના પુત્રએ માંગણી કરતા ઝઘડો થયો અને તેમાં સુનિલે કેસરને ચપ્પુના ઘા ઝીંકી ભાગી ગયો હતો. હજુ કેટલા રૂપિયા આરોપી પાસેથી લેવાના હતા તે બાબતે વેપારીનો પુત્ર ભાનમાં આવશે પછી ખબર પડશે.