ઠગાઈ:અમરોલીમાં ઠગ રૂપિયા આપ્યા વિના ફોન લઇ જતો રહ્યો

પત્ની માટે લીધેલો 23 હજારનો મોબાઇલ OLX પર વેચવા જતા ગુમાવો પડયો છે. મોટાવરાછા હંસ સોસાયટીમાં રહેતા હિંમત કથેરીયાએ પત્ની માટે 23 હજારનો મોબાઇલ સેકન્ડમાં લીધો હતો. પત્નીને મોબાઇલ ફાવતો ન હોવાથી પતિએ OLX 9મી ડિસેમ્બરે વેચવા મુકયો હતો. 10મી તારીખે અજાણ્યાએ ફોન કરી મોબાઇલ લેવા તૈયારી બતાવી હતી.

તે ઘરે ફોન લેવા આવ્યો ત્યારે હિંમતભાઈ કામ અર્થે ગયા જેથી પુત્રને મોબાઇલ બતાવી રૂપિયા લેવા કહ્યું હતું. પુત્રએ ફોન બતાવવા આપ્યો એટલામાં ઠગબાજ મોપેડ પર લઈને ભાગી ગયો હતો. આ અંગે અમરોલી પોલીસે મોબાઇલ નંબરના આધારે ઠગ સામે ગુનો નોંધ્યો છે.