વિવાદ:અડાજણમાં રૂપિયા બાબતે પતિએ પત્નીને ચપ્પુ માર્યા

સુરત23 દિવસ પહેલા
  • કૉપી લિંક
  • ઘરની ડિપોઝિટના રૂપિયા માટે ઝઘડો થયો હતો

અડાજણમાં પતિ-પત્ની વચ્ચે ઘર બદલવા માટે ડીપોઝીટના રૂપિયા બાબતે ઝઘડો કર્યો હતો. જેમાં પતિએ પત્નીને ચપ્પુના 6 ઘા મારી હત્યા કરવાની કોશિશ કરી હતી. હાલમાં પત્નીની હાલત ગંભીર છે અને હોસ્પિટલમાં તેમની સારવાર ચાલી રહી છે.આ બનાવ અંગે અડાજણ પોલીસે ભાણેજ નીતીન દાફડાની ફરિયાદ લઈ આરોપી પતિ રમેશ ઉર્ફે ડભુ મંગા મારૂ(રહે,કેદાર દર્શેન એપાર્ટ,હનીપાર્ક રોડ,અડાજણ)ની સામે હત્યાની કોશિશનો ગુનો નોંધ્યો છે. હાલમાં પતિ ફરાર છે.

અડાજણ કેદાર દર્શેન એપાર્ટમેન્ટમાં રહેતી અને હોસ્પિટલમાં નર્સ તરીકે નોકરી કરતી 50 વર્ષીય રતનબેન મારૂનો પતિ જોડે બુધવારે મોડીરાતે ઝઘડો થયો હતો. દંપતીને ઘર નાનુ પડતું હતું. આથી ઘર બદલવા માંગતા હતા. ઘર માટે ડીપોઝીટના રૂપિયા બાબતે પતિ-પત્ની વચ્ચે ઝઘડો થયો હતો. આ ઝઘડામાં પતિએ પત્નીને પેટના ભાગે 3 , છાતીના ભાગે 2 અને ડાબા હાથે 1 ઘા મારી દીધો હતો. લોહીલુહાણ હાલતમાં મહિલાને સારવાર માટે નવી સિવિલમાં ખસેડવામાં આવી હતી.

અન્ય સમાચારો પણ છે...