દુર્ઘટના:સુરતના અડાજણ વિસ્તારમાં ઘટાદાર ઝાડ તૂટી પડ્યું, રસ્તો બ્લોક થયો, ફાયરબ્રિગેડે ઝાડ હટાવવાની કામગીરી આદરી

શહેરના અડાજણ વિસ્તારમાં ઘટાદાર ઝાડ તૂટી પડે છે. રસ્તા પર ઝાડ તૂટી પડીને પડતાં રસ્તો બ્લોક થઈ જાય છે. રાત્રિના સમયે ઝાડ થડમાંથી પડી ગયું હોવાથી રસ્તો બંધ થઈ ગયો હોય છે. જેથી સ્થાનિક લોકોએ ઝાડ તૂટી પડવા અંગે ફાયરબ્રિગેડને જાણ કરવામાં આવી હોય છે. ફાયરબ્રિગેડની ટીમે ઘટના સ્થળે પહોંચીને ઝાડ કાપીને રસ્તો ખુલ્લો કરવાની કામગીરી હાથ ધરી છે. સદનસીબે તોતિંગ ઝાડ તૂટી પડ્યું ત્યારે નીચે કોઈ ન હોવાથી ઈજા જાનહાનિ ટળી છે. ચોમાસાની ઋતુ વિતી ગયા બાદ શિયાળામાં ઝાડ તૂટી પડતાં સ્થાનિકોમાં પણ સવાલો ઉભા થયો છે.

ઝાડ થડમાંથી તૂટી પડ્યું
અડાજણ વિસ્તારમાં આવેલા એલ પી સવાણી રોડ પર ઝાડ પડવાની ઘટના સામે આવી છે. જેમાં મોડી રાત્રે એક ઝાડ તૂટી પડ્યું હોય છે. ઘેઘૂર અને ઘટાદાર ઝાડ તૂટીને રસ્તા પર પડતાં રસ્તો બ્લોક થઈ જાય છે. ઝાડ થડમાંથી જ તૂટીને રસ્તા પર આડું પડી ગયું હતું. જો કે સદનસીબે કોઈ ઈજા જાનહાનિ થઈ નહોતી.

રસ્તો બંધ કરીને ઝાડ હટાવાયું
એલપી સવાણી રોડનો એક સાઈડનો રસ્તો ઝાડ આડું પડી જતાં બંધ થઈ ગયો હતો. બાદમાં ફાયરબ્રિગેડને જાણકારી મળતાં જ લાશકરોનો કાફલો ઘટના સ્થળે પહોંચી ગયો હતો અને ઝાડના લાકડા કાપીને રસ્તો ખુલ્લો કરવાની કામગીરી હાથ ધરી હતી.